بۇقار جىراۋ اۋدانىندا ءسۇت- تاۋار فەرماسىن جانە بالىق وڭدەۋ سەحى اشىلماق
اۋدان اكىمى شاعۋراشيد مامالينوۆ اۋداننىڭ 2020 -جىلعى الەۋمەتتىك- ەكونوميكالىق دامۋ قورىتىندىلارىن، سونداي- اق الداعى كەزەڭگە ارنالعان مىندەتتەردى اتاپ ءوتتى. بايانداما ءوڭىر باسشىسى جەڭىس قاسىمبەكتىڭ توراعالىعىمەن ونلاين- كەڭەس اياسىندا ءوتتى، دەپ حابارلايدى قازاقپارات ءتىلشىسى.
بۇقار جىراۋ اۋدانىندا جاڭا ينۆەستيتسيالىق جوبالارعا ەرەكشە كوڭىل بولىنەدى. «اپرەل» فەرمەرلىك كاسىپورنى جوبالىق قۋاتتىلىققا شىقتى. بيىل نوۆوۋزەنكا اۋىلىندا 25 مىڭ باسقا ارنالعان مال شارۋاشىلىعى كەشەنىنىڭ ەكىنشى كەزەڭىن ىسكە قوسۋ جوسپارلانۋدا.
«بۇل ءوندىرىس تولىعىمەن اۆتوماتتاندىرىلعان ەڭ يننوۆاتسيالىق كەشەن بولادى. سونداي- اق، «بەرەكە-2014» كومپانياسىنا 1200 باس ءى ق م ءوسىرۋ بويىنشا رەپرودۋكتور قۇرۋعا ينۆەستيتسيالار تارتىلدى»، - دەدى شاعۋراشيد مامالينوۆ.
قىزىلقايىڭ اۋىلىندا «Jasyl Jer» ا ك ك يننوۆاتسيالىق تەحنولوگيالار بويىنشا تۇيىرشىكتەلگەن جەمشوپ ءوندىرىسىن، ال اقبەل وكرۋگىندە سيفرلىق ءسۇت- تاۋار فەرماسىن ىسكە قوسۋدى جوسپارلاپ وتىر. بۇل جوبانى جۇزەگە اسىرۋ ءۇشىن Suthana كومپانياسى 600 باس ءى ق م ساتىپ الادى. قاراعاندى بالىق ءتالىمباعى اۋداندا بالىق وڭدەۋ سەحىن ىسكە قوسۋعا دايىندالۋدا. تۇرعىن ءۇي ماسەلەسى دە نازاردان تىس قالمايدى. دوسكەي اۋىلىندا ەكى ءۇي قالپىنا كەلتىرىلەدى. حالىقتىڭ الەۋمەتتىك وسال توپتارى، كوپ بالالى وتباسىلار مەن جەتىم بالالار ءۇشىن تۇرعىن ءۇي ساتىپ الۋ جالعاستىرىلادى. بيىلعى جىلى 298 وتباسىن باسپانامەن قامتاماسىز ەتۋ جوسپارلانعان. 2020 -جىلى دوسكەي، نوۆوۋزەنكا، ۇشتوبە جانە كوكپەكتى اۋىلدارىندا 386 جەر ۋچاسكەسى بەرىلدى. وسىنىڭ نەگىزىندە اۋداندا بولاشاقتا ءتورت اباتتاندىرىلعان كەنت دامىتىلاتىن بولادى. بارلىق ۇيلەردى ينجەنەرلىك كوممۋنيكاتسيالارمەن قامتاماسىز ەتۋ كوزدەلىپ وتىر. ءقازىر ءبىرىڭعاي ساۋلەت فورماسى مەن ءتۇس گامماسى ساقتالۋى ءۇشىن جۇمىستار جۇرگىزىلۋدە. وتكەن جىلى اۋداننىڭ ون ەكى ەلدى مەكەنى سۋمەن قامتاماسىز ەتىلدى. 2021 -جىلى تاعى توعىز اۋىلدا ورتالىق سۋمەن جابدىقتاۋ جۇيەسىن ورناتۋ جوسپارلانۋدا. ماڭىزدى مىندەت - اۋداندى جىلۋمەن قامتۋ. بەس بلوكتى- ءمودۋلدى قازاندىق سالىندى. ايتا كەتۋ كەرەك، قازاندىقتار قوس جابدىقتى بولىپ تابىلادى. ولار گازعا دا قوسىلۋعا دايىن. سونداي- اق، قولدانىستاعى قازاندىقتاردى جوندەۋ جانە جاڭعىرتۋ، جىلۋ جەلىلەرىن جۇرگىزۋ جالعاسادى. «وتكەن جىلى اۋدان بيۋدجەتى ەكى ەسەگە ارتتى.
«اۋىل - ەل بەسىگى» جوباسى اياسىندا كەنتىشىلىك جولدار، مەكتەپتەر جوندەلدى، دسك قۇرىلىسى باستالدى. جۇمىسپەن قامتۋ جول كارتاسى بويىنشا 30 جوبا قارجىلاندىرىلدى. بۇل نەگىزىنەن ينجەنەرلىك- تەحنيكالىق جەلىلەر، قاسبەتتەردى، شاتىرلاردى جاڭارتۋ. ءۇش 16 پاتەرلى جانە التى 12 پاتەرلى جالعا بەرىلەتىن ءۇي پايدالانۋعا بەرىلدى. ءبىز تۇرعىن ءۇي قۇرىلىسىنا ەرەكشە كوڭىل بولەمىز. بيىلعى جىلى بۇل ماسەلەنى بارىنشا پىسىقتاۋ كەرەك»، - دەپ اتاپ ءوتتى جەڭىس قاسىمبەك.
