مەملەكەت باسشىسى نۇرلان ەرمەكبايەۆتى قابىلدادى
پرەزيدەنتكە قارۋلى كۇشتەردىڭ قازىرگى جاعدايى مەن اسكەري دايىندىعىن ارتتىرۋ شارالارى تۋرالى باياندالدى. قاسىم-جومارت توقايەۆقا قازاقستان ارمياسىنىڭ زاماناۋي قارۋ- جاراقتارمەن جانە تەحنيكامەن جابدىقتالۋى، ينفراقۇرىلىمدىق دامۋى، سيفرلاندىرىلۋى، اقپاراتتىق قاۋىپسىزدىكتىڭ قامتاماسىز ەتىلۋى جانە بىتىمگەرشىلىك بولىمدەردىڭ دايىندىعى جونىندە مالىمەت بەرىلدى.
نۇرلان ەرمەكبايەۆ دامىعان مەملەكەتتەر ارمياسىنىڭ قۇرىلىمىنا جاسالعان تالداۋ جۇمىستارىن ەسكەرە وتىرىپ، قورعانىس مينيسترلىگى «ارميانى جاڭعىرتۋ» جوباسىن ۇسىناتىنىن حابارلادى. ۇلتتىق جوبانىڭ جۇزەگە اسىرىلۋى ارميانىڭ اسكەري الەۋەتىن ارتتىرۋعا، بەلگىلى ءبىر دارەجەدە الەۋمەتتىك- ەكونوميكالىق تيىمدىلىگىن قامتاماسىز ەتۋگە زور مۇمكىندىك بەرەدى. مينيستر جوعارعى باس قولباسشىنىڭ اسكەري ماقساتقا ارنالعان اقپاراتتىق- كوممۋنيكاتسيالىق ينفراقۇرىلىمنىڭ ءبىرىڭعاي وپەراتورىن قۇرۋ جايىندا بەرگەن تاپسىرمالارىنىڭ ورىندالۋ بارىسى تۋرالى ەسەپ بەردى. ءبىرىڭعاي وپەراتور اسكەردى، رەسۋرستاردى باسقارۋدىڭ اۆتوماتتاندىرىلعان جۇيەسىنىڭ ۇزدىكسىز ءارى ورنىقتى جۇمىس ىستەۋىن، سونداي-اق، اقپاراتتىق قاۋىپسىزدىك تالاپتارىنا ساي كەلەتىن اقپاراتتىق جۇيە مەن اسكەري ماقساتقا ارنالعان ءبىرىڭعاي ترانسپورتتىق ورتانى قامتاماسىز ەتەدى. مەملەكەت باسشىسىنا بەيبىتشىلىكتى قولداۋ وپەراتسيالارىنا قاتىساتىن اسكەري قىزمەتشىلەردىڭ دايىندىعى تۋرالى اقپارات بەرىلدى.
نۇرلان ەرمەكبايەۆتىڭ ايتۋىنشا، پرەزيدەنت قاسىم- جومارت توقايەۆتىڭ تاپسىرمالارىن ىسكە اسىرۋ اياسىندا ب ۇ ۇ ميسسياسى باعىتىنداعى قىزمەتتە مەيلىنشە سۇرانىسقا يە اسكەري- مەديتسينالىق، ينجەنەرلىك، بارلاۋ جانە اسكەري پوليتسيا سياقتى بولىمدەردىڭ دايىندىعى پىسىقتالۋدا.
كەزدەسۋ قورىتىندىسى بويىنشا جوعارعى باس قولباسشى قارۋلى كۇشتەردىڭ اسكەري الەۋەتىن ارتتىرۋعا جانە قازىرگى سىن- قاتەرلەر مەن قاۋىپتەردى ەسكەرە وتىرىپ، ولاردى ساپالى دامىتۋعا، ارميانى جابدىقتاۋعا، قازاقستاندا قارۋ-جاراقتىڭ بىرنەشە ءتۇرىن شىعاراتىن قورعانىس- ونەركاسىپتىك كەشەنىمەن ىقپالداستىق ورناتۋعا، سونداي-اق، قارۋلى كۇشتەردى تسيفرلاندىرۋعا قاتىستى ءبىرقاتار تاپسىرما بەردى.
قاسىم-جومارت توقايەۆ بىرلەسكەن وقۋ- جاتتىعۋ جيىندارىن وتكىزۋ جانە پوليگونداردى پايدالانۋ ءۇشىن وزگە ەلدەردىڭ اسكەري ۆەدومستۆولارىمەن بىتىمگەرشىلىك قىزمەت پەن حالىقارالىق ىنتىماقتاستىقتى كەڭەيتۋدىڭ ماڭىزدىلىعىن اتاپ ءوتتى.
