الماتىدا ءۇش كولىك پەن اۆتوبۋس سوقتىعىسىپ قالدى

الماتى. قازاقپارات - الماتىدا ءال-فارابي داڭعىلىندا بىرنەشە اۆتوكولىك سوقتىعىسقان جول اپاتى بولدى، دەپ حابارلايدى قازاقپارات ءتىلشىسى.

جول-كولىك اپاتىنىڭ ۆيدەوسى الەۋمەتتىك جەلىدە تارادى. قالالىق پوليتسيا دەپاراتامەنتىنىڭ باسپا ءسوز قىزمەتى جول- كولىك وقيعاسى 3-اقپان كۇنى ساعات 22:00 شاماسىندا بولعانىن حابارلادى. «Lexus» اۆتوكولىگىنىڭ جۇرگىزۋشىسى ءال-فارابي داڭعىلىمەن شىعىس باعىتىندا كەلە جاتىپ، رەميزوۆكا بۇرىلىسىندا رۋلگە يە بولا الماي، «Mazda 626» اۆتوكولىگىمەن سوقتىعىسقان.

ونىمەن توقتاماي سول باعىتتا كەتىپ بارا جاتقان «Mazda Eunos» كولىگىنە ودان كەيىن «Yuotong» اۆتوبۋسىنا بارىپ سوعىلادى. ابىروي بولعاندا، جول اپاتىنان ادام شىعىنى بولعان جوق. ءىستىڭ ءمان-جايى انىقتالۋدا»، - دەدى الماتى قالالىق پ د تەرگەۋ باسقارماسىنىڭ باستىعى ولجاس ءشارىپوۆ.

اۆتور: الما مۇقانوۆا