كوروناۆيرۋس: باتىس قازاقستان قايتادان «قىزىل» ايماققا كىردى

نۇر-سۇلتان. قازاقپارات - دەنساۋلىق ساقتاۋ مينيسترلىگى 4- اقپانداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات ءتىلشىسى.

4 اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ ءتورت وبلىسى «قىزىل» ايماقتا تۇر.

كەشە، ياعني 3- اقپاندا باتىس قازاقستان «قىزىل» ايماقتان «سارى» ايماققا وتكەن ەدى. الايدا بۇگىن ول ءوڭىر قايتادان «قىزىل» ايماققا ەنگىزىلگەن.

ودان بولەك «سارى» ايماقتا نۇر-سۇلتان قالاسى، شىعىس قازاقستان، قوستاناي، اتىراۋ وبلىستارى بار.

قالعان وڭىرلەر مەن قالالار - «جاسىل» ايماقتا. جالپى قازاقستان ءالى دە «سارى» ايماقتا تۇر.