كوروناۆيرۋس: قازاقستاننىڭ تاعى ءبىر ءوڭىرى «قىزىل» ايماقتان شىقتى

نۇر-سۇلتان. قازاقپارات - دەنساۋلىق ساقتاۋ مينيسترلىگى 3- اقپانداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.

ەسكە سالا كەتسەك كەشە، ياعني 2- اقپانداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ 4 وبلىسى «قىزىل» ايماقتا تۇرعان ەدى.

ولار: اقمولا، پاۆلودار، سولتۇستىك قازاقستان جانە باتىس قازاقستان وبلىستارى.

ءبىراق بۇگىن باتىس قازاقستان وبلىسى ول ايماقتان شىعىپ، «سارى» ايماققا كىردى.

وسىلايشا، 3- اقپانداعى جاعداي بويىنشا «قىزىل» ايماقتا 3 وبلىس قالدى. سونىمەن قاتار كەشەگى ماتريتسا اتىراۋ، قوستاناي، قاراعاندى، شىعىس قازاقستان وبلىستارى مەن نۇر-سۇلتان قالاسىنىڭ «سارى» ايماقتا ورنالاسقانىن كورسەتكەن.

الايدا بۇگىن بۇل قاتارعا «قىزىل» ايماقتان شىققان ب ق و كىردى. ياعني قازىرگى ۋاقىتتا «سارى» ايماقتا 5 وبلىس پەن 1 قالا بار. قالعان وڭىرلەر مەن قالالار - «جاسىل» ايماقتا.

جالپى قازاقستان ءالى دە «سارى» ايماقتا تۇر.