قازاقستاندا سالىنىپ جاتقان ۆاكسينانىڭ وزىندىك قۇنى قانشا

نۇر-سۇلتان. قازاقپارات - ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتار دارىگەر ەرلان قياسوۆ ۆاكسينالاردىڭ باعاسى تۋرالى سۇراقتارعا جاۋاپ بەردى، دەپ حابارلايدى قازاقپارات ءتىلشىسى.

دارىگەرگە «رەسەيدەن جەتكىزىلگەن جانە قاراعاندىدان شىعارىلاتىن ۆاكسينالاردىڭ وزىندىك قۇنى قانشا؟» دەگەن سۇراق قويىلدى.

«ءىس جۇزىندە وزىندىك باعالارى شامالاس بولادى. ءبىراق، ۆاكسينانى قاراعاندىدا شىعاراتىن بولساق، ارينە ونىڭ ارتىقشىلىقتارى بار. بىرىنشىدەن، وندىرىسكە ءوزىمىز تىكەلەي قاتىسامىز، بۇكىل ءوندىرىس تسيكلىن قاداعالاي الامىز. بۇل بىزگە وسى تاجىريبەنى ودان ءارى دامىتۋعا مۇمكىندىك بەرەدى. مەنىڭ ويىمشا، لوگيستيكاعا بايلانىستى قانداي دا ءبىر شىعىندار بولۋى مۇمكىن»، - دەدى ەرلان قياسوۆ №6-قالالىق ەمحانادا تىلشىلەرگە بەرگەن سۇحباتىندا.

ول كوروناۆيرۋسقا قارسى ۆاكسيناتسيانىڭ حالىققا تەگىن ەكەنىن ەسكە سالدى جانە ۆاكسينانىڭ ەكى كومپونەنتتى دوزاسىنىڭ باعاسىن (وزىندىك قۇنىن) ايتتى.

«ەكى كومپونەنتتى دوزا بۇگىنگى كۇنى 26 دوللار (11021,4 تەڭگە) تۇرادى. بۇل - رەسەيلىك ۆاكسينا. جالپى العاندا، ۆاكسينانىڭ باعاسى قاي جەردە شىعارىلاتىنىنا قاراماستان، رەسەيدە نەمەسە قازاقستاندا وسىنداي بولادى»، - دەيدى ە. قياسوۆ.

ايتا كەتەيىك، بۇگىن قازاقستاندا كوروناۆيرۋس ينفەكسياسىن جۇقتىرۋ جانە تاراتۋ تاۋەكەلى جوعارى ساناتتاردى كوروناۆيرۋسقا قارسى ۆاكسينالاۋ باستالدى.

قازاقستاندا ۆاكسينا ەرىكتى تۇردە سالىنادى. ەلورداداعى №6-قالالىق ەمحانادا ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتار دارىگەر ەرلان قياسوۆ پەن دەنساۋلىق ساقتاۋ ۆيتسە-ءمينيسترى اجار عينيات كوروناۆيرۋسقا قارسى ۆاكسينا سالدىردى. قازاقستاننىڭ باس سانيتارى ۆاكسينا العاننان كەيىنگى حال-جاعدايىن ايتتى.

اۆتور: ايجان سەرىكجان قىزى