كوروناۆيرۋس: قازاقستان رەسپۋبليكاسى «سارى» ايماققا اۋىستى

نۇر-سۇلتان. قازاقپارات - دەنساۋلىق ساقتاۋ مينيسترلىگى 1- اقپانداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات ءتىلشىسى.

قازاقستاننىڭ 4 وبلىسى «قىزىل» ايماقتا تۇر.

ولار: اقمولا، پاۆلودار، سولتۇستىك قازاقستان جانە باتىس قازاقستان وبلىستارى. قوستاناي وبلىسى «قىزىل» ايماقتان «سارى» ايماققا اۋىستى.

سونىمەن بىرگە، اتىراۋ، قاراعاندى، شىعىس قازاقستان وبلىستارى مەن نۇر-سۇلتان قالاسى «سارى» ايماقتا. قالعان وڭىرلەر مەن قالالار - «جاسىل» ايماقتا. جالپى قازاقستان «سارى» ايماقتا تۇر.

ەسكە سالساق، 31- قاڭتارداعى كورسەتكىش بويىنشا ق ر قىزىل ايماقتا تۇرعان بولاتىن.