قازاقستاندىقتار ۇلتتىق كومپانيالاردىڭ اكسيالارىن ساتىپ الا الادى
«حالىق IPO- سى» باعدارلاماسىن جاڭعىرتۋ كەرەك. اكتسيالار ەڭ ءبىرىنشى كەزەكتە قازاقستان ازاماتتارىنا ساتىلۋى ءتيىس. ءبىزدىڭ ەلدىڭ ءاربىر ازاماتى ۇلتتىق بايلىقتىڭ ءبىر بولىگىن الا الاتىنداي جاعداي جاساۋ كەرەك»، - دەپ اتاپ ءوتتى مەملەكەت باسشىسى رەفورمالار جونىندەگى جوعارعى كەڭەستىڭ وتىرىسىندا.
مەملەكەت باسشىسى ۇكىمەتكە نىسانداردىڭ ساتىلۋىن باقىلايتىن قوعامدىق مونيتورين جۇرگىزۋدى تاپسىردى. ونىڭ ايتۋىنشا IPO قۇرالىن بۇل باعىتتا بارىنشا پايدالانۋ كەرەك، سەبەبى جەكەشەلەندىرۋ ماسەلەسىندە بۇل مەحانيزمگە بارىنشا باسىمدىق بەرىلۋى ءتيىس. ايتا كەتسەك بۇگىن اقوردادا مەملەكەت باسشىسى قاسىم- جومارت توقايەۆتىڭ توراعالىعىمەن رەفورمالار جونىندەگى جوعارعى كەڭەستىڭ ءۇشىنشى وتىرىسى ءوتتى. ءىس- شارانىڭ كۇنتارتىبىنە قازاقستان رەسپۋبليكاسىن 2025 -جىلعا دەيىن دامىتۋدىڭ ۇلتتىق جوسپارىن، مەملەكەتتىك جوسپارلاۋدىڭ جاڭا جۇيەسىن، 2030 -جىلعا دەيىن مەملەكەتتىك بسقارۋدى دامىتۋ تۇجىرىمداماسىن، 2021-2025 -جىلدارعا ارنالعان جەكەشەلەندىرۋ جوسپارىن ازىرلەۋ، سونىمەن قاتار شۇعىل رەفورمالار توپتاماسى مەن حالىقتىڭ ۇلتتىق ساناعىن وتكىزۋ ماسەلەلەرى كىردى.
