ەلدەگى ەپيدەميولوگيالىق احۋال ناشارلاۋى مۇمكىن بە - باس سانيتار جاۋابى
«شىن مانىندە، قازىر قاڭتاردىڭ اياعى مەن اقپاننىڭ باسىنداعى بولجام تۋرالى سيفرلىق ارا قاتىناستا ايتقاندا، ايماقتاردا ينفەكسيانىڭ تارالۋى بىركەلكى ەمەستىگىن ەسكەرۋ قاجەت. قازىرگى ۋاقىتتا ناۋقاستار از تىركەلگەن، سالىستىرمالى تۇردە «جاسىل» ايماقتا تۇرعان وڭىرلەر بار. وزدەرىڭىز بىلەتىندەي، ءبىز تەك وبلىستىق ەمەس، اۋدان ورتالىقتارىنىڭ ەپيدجاعدايىنىڭ ماتريتساسىن ازىرلەدىك. ءتىپتى كەيبىر وبلىستاردا كورسەتكىشتەر بويىنشا ايىرماشىلىق بار. ءبىز قازىر وسى باعىتتا تىركەۋدىڭ ءوسۋى بايقالاتىن وڭىرلەر مەن اۋداندار بويىنشا شەكتەۋ شارالارىن جەرگىلىكتى، وشاقتىق تۇردە ەنگىزۋ ءۇشىن جۇمىس ىستەپ جاتىرمىز»، - دەدى ەرلان قياسوۆ و ك ق- دە وتكەن ونلاين بريفينگتە ءتىلشى سۇراعىنا بەرگەن جاۋابىندا.
باس سانيتار ەلدەگى ەپيدەميولوگيالىق جاعداي ناشارلاۋى مۇمكىن بە دەگەن سۇراققا جاۋاپ بەردى.
«ناشارلاۋى مۇمكىن دەپ ايتا المايمىن. جەكەلەگەن وڭىرلەردە عانا جاعدايدىڭ ناشارلاۋىن بولجاپ وتىرمىز»، - دەيدى ەرلان قياسوۆ.
بۇعان دەيىن ەرلان قياسوۆ پراۆوسلاۆ دىنىندەگى كرەشەنيە مەرەكەسى قالاي وتەتىنىن ايتقان ەدى. سونىمەن بىرگە، بريتاندىق كوروناۆيرۋس شتاممى قازاقستاندا تىركەلمەگەندىگىن جەتكىزدى. سونىمەن بىرگە، باس سانيتارلىق دارىگەر قازاقستاندىقتارعا ۇندەۋ جاسادى.
اۆتور: ايجان سەرىكجان قىزى
