زياندى ءارى قاۋىپتى تاعام قوسپالارىن بىلەسىز بە؟

نۇر-سۇلتان. قازاقپارات - قانداي تاعام الساڭىزدا قۇرامىن مۇقيات وقۋدى ۇمىتپاڭىز. ءبىز نە جەپ ءجۇرمىز؟

دۇكەن سورەلەرىندەگى اسىرەسە كونسەرۆى ونىمدەرىن ساتىپ العاندا قۇرامىنا مۇقيات زەر سالىپ، تانىسىپ شىعاسىز با؟ بالكىم، تانىسقاننىڭ كۇننىڭ وزىندە ولاردىڭ قۇرامىنداعى زياندى قوسپالارعا نازار اۋدارمايتىن بولارسىز. بالكىم، ول قوسپالاردىڭ ءسىزدىڭ دەنساۋلىعىڭىزعا زيان تيگىزەتىن ۋىتتى اسەرى بارىن بىلمەيتىن دە شىعارسىز؟ ال، كوزدىڭ جاۋىن الاتىن قىزىلدى- جاسىلدى كونديتەرلىك ونىمدەرى شە؟ ولاي بولسا تومەندە كەلتىرىلگەن زياندى ءارى قاۋىپتى تاعامدىق قوسپالاردىڭ ءتۇرى مەن اتاۋىن بىلە جۇرەڭىز. ەڭ ابزالى جادىڭىزعا ءتۇيىپ الىڭىز.

E اتاۋىمەن اتالعان كەز-كەلگەن قوسپا دەنساۋلىققا قاۋىپتى.

E-102 قوسپاسى

تارترازين انتيدەنەلەرى مەن ەريتروتسيتتەرىن وندىرۋگە قولدانىلادى. ياعني، التىن سارى ءتۇس بەرەتىن كونديتەرلىك ونىمدەر مەن وزگە دە سارى، قىشا، يوگۋرت، سورپا، جەمىستەر مەن كوكونىس كونسەرۆىلەرىندە كەزدەسەدى. قوسپانىڭ كەسىرىنەن بالالاردا اللەرگيالىق بورتپەلەر پايدا بولۋى مۇمكىن. شەكتەن تىس گيپەراكتيۆتىلىك جانە زەيىننىڭ ناشارلاۋى، باس اۋرۋى، قالقانشا بەزىنىڭ اۋرۋى تۋىندايدى.

E-103، الكانين، الكانەت

كوپتەگەن ەلدەردە تىيىم سالىنعان قوسپا. قويۋ قىزىل ءتۇستى كونديتەرلىك ونىمدەر مەن كرەمدەردە كەزدەسەدى. شىرىشتى قابىقتى تىتىركەندىرەدى، كانتسەروگەندى تاعام قاتارىندا سانالادى.

E-104، سارى حينولين. وتە قاۋىپتى.

كوپتەگەن ەۋروپا ەلدەرىندە تىيىم سالىنعان قوسپا. ا ق ش، جاپونيا، اۆستراليا، نورۆەگيا قاتاڭ تيىم سالعان. رەسەيدە جانە ۋكراينادا سارى- جاسىل ىستالعان بالىقتارعا، سۋسىندارعا، ءتۇرلى- ءتۇستى دراجەلەرگە، كامپيتتەرگە، ساعىزعا رۇقسات ەتىلەدى. بالالاردىڭ گيپەراكتيۆتىلىگى، ەسەكجەم، تەرىنىڭ قابىنۋى، استماسى بار ادامداردا تۇنشىعۋ بولۋى مۇمكىن.

E-105 قوسپاسى

اسپيرينگە ءتوزىمى تومەن ادامدار ءۇشىن قاۋىپتى. سارى ءتۇستى AB High، كوپتەگەن ەۋروپا ەلدەرىندە، ۋكراينادا، رەسەيدە، ا ق ش- تا تىيىم سالىنعان. بۇل قوسپا شىعىس ەلدەرىندە بەلسەندى قولدانىلادى. كوبىنەسە، سارى كونديتەرلىك ونىمدەر مەن سارى ءتۇستى سۋسىنداردا كەزدەسۋى مۇمكىن. ونىڭ ورگانيزمگە ۋىتتى اسەر بار، قاتەرلى تۇزىلىمدەردىڭ كوبەيۋىنە اكەلەدى.

E-106

ريبوفلاۆين-5-فوسفات، ەۋروپادا، رەسەيدە، ا ق ش- تا، كانادادا تىيىم سالىنعان. ونىڭ دا ءتۇسى سارى. قۇرامىندا وسى قوسپا بار پيگمەنتتى سارى ونىمدەر اللەرگياعا شالدىقتىرادى. بۇيرەك فۋنكتسياسىنىڭ بۇزىلۋىن، كورۋ قابىلەتىنىڭ تومەندەۋىن تۋدىرادى. رەسەيدە، اۆستريادا، شۆەيتساريادا، نورۆەگيادا، شۆەتسيادا، جاپونيادا تىيىم سالىنعان. رۇقسات ەتىلگەن ەلدەردە اپەلسين، ىرىمشىك تۇزدىقتارى، بالىق كونسەرۆىلەرى، قابىقشالار، شىعىس دامدەۋىشتەرى، پاكەتتەگى سورپالار، گلازۋر، بالمۇزداق، دجەم، مارمەلاد، سۋسىنداردا كەزدەسۋى مۇمكىن. زيانى: اللەرگيا، جۇرەك اينۋ، مۇرىننان سۋ اعۋ، بۇيرەك ءىسىنۋى، حروموسومالاردىڭ زاقىمدانۋى، اس قورىتۋ، بالالاردا كونتسەنتراتسيانىڭ ناشارلاۋى.

E-111، Orange GGN، الفا- نافتول اپەلسينى

كوپتەگەن الەم ەلدەرىندە تىيىم سالىنعان اپەلسين بوياۋى كوبىنەسە ىستالعان بالىق، تەز دايىندالاتىن سورپا تاعامدارىندا كەزدەسەدى.

E-116 قوسپاسى

E-116 وتە ۋىتتى قوسپا. ول پروپيل ەفيرى دەپ تە اتالادى. رەسەي فەدەراتسياسىندا تىيىم سالىنعان. كوبىنسە وندىرۋشىلەر بۇل قاۋىپتى قوسپانى كونسەرۆى ونىمدەرىنە قوسادى. كەز- كەلگەن كونسۆەرىلەنگەن ءونىمدى تۇتىنباس بۇرىن قۇرامىن مۇقيات وقۋدى ۇمىتپاڭىز.

E -117 قوسپاسى

بۇل قوسپانى بۇركەمەلەۋ ءۇشىن وندىرۋشىلەر ناتري تۇزى دەپ كورسەتۋى دە مۇمكىن. E -117 قوسپاسىن تاعامدىق ونىمدەرگە قولدانۋدى رەسەي تىيىم سالعان. بۇل دا كونسەرۆى ونىمدەرىندە كەزدەسۋى مۇمكىن. ساق بولىڭىزدار.

E -120 وتە قاۋىپتى قوسپا

اتالمىش قوسپا كارمين دەپ اتالادى. دەنساۋلىق ءۇشىن وتە قاۋىپتى قوسپالار ساناتىندا. ر ف، ۋكراينا، ەۋروپا، ا ق ش- تا رۇقسات ەتىلگەن. ءتۇسى قىپ- قىزىل بولىپ كەلەدى. قىزىل بالىق، ەت، ءسۇت ونىمدەرى، كونديتەرلىك ونىمدەردە، الكوگولدى جانە الكوگولسىز سۋسىنداردا، شۇجىقتار مەن تۇزدىقتاردا، كەتچۋپتار مەن گلازۋر ونىمدەرىندە، شىرىن، جەلە سىندلى تاعامداردا كەزدەسەدى. كارمين قوسىلعان ونىمدەر ءبىرىنشى كەزەكتە اللەرگيا تۋدىرۋى مۇمكىن. جوعارىدا جىكتەلگەن ونىمدەردى تۇتىنباس بۇرىن، ءمۇۇيات قۇرامىن وقۋدى، زەردەلۋدە ۇمىتپاڭىز.

E-121 قوسپاسى

قىزىل ءتۇستى بۇل قوسپا سيترۋس بولىپ سانالادى. رەسەي مەن ءبىرقاتار ەلدەردە تىيىم سالىنعان. قوسپا قويۋ قىزىل ءتۇس بەرەتىندىكتەن اپەلسين قابىعىندا، سودا مەن بالمۇزداقتاردا كەزدەسۋى بەك مۇمكىن.

E -122 قوسپاسى

قاتەرلى ىسىك اۋرۋلارىنىڭ اسقىنۋىن تۋعىزاتىن E -122 قوسپاسى ازورۋبين، كارمويزين دەپ تە اتالادى. كوپتەگەن ەلدەردە تىيىم سالىنعان ءونىم. قىزىل، قىزىل قوڭىر دجەمدەر، سيروپتار، مارمەلاد، كونديتەرلىك ونىمدەر، شىرىندار، قىزىل سۋسىنداردا كەزدەسەدى. اللەرگيالىق بورتپەلەر، استما جانە اسپيرينگە اللەرگياسى بار ادامدار ءۇشىن قاۋىپتى.

E-123 قوسپاسى

كانسەروگەن نەمەسە امارانت دەپ اتالۋى دا مۇمكىن. ەۋروپادا، رەسەيدە، ا ق ش- تا تىيىم سالىنعان. قىزىل- قوڭىر، قىزىل- كوك، قىزىل- كۇلگىن گۋبكا تورتى، الكوگولسىز سۋسىندار، جارما، جەلەلەردە كەزدەسۋى مۇمكىن. اللەرگيالىق رينيت پەن ەسەكجەم اۋرۋىن تۋدىرادى، بۇيرەككە، باۋىرعا تەرىس اسەر ەتەدى. اسپيرينگە اللەرگياسى بار ادامدار مەيىلىنشە اۋلاق بولعانى ابزال.

(جالعاسى بار)