ءجۇز جاسقا قاراعان شاعىندا قازاقستان ازاماتتىعىن الدى - تۇركىستان
اجەنىڭ ۇلتى قازاق بولعانىمەن، وزبەكستان رەسپۋبليكاسىنىڭ ازاماتتىعىن العان. 2011 -جىلى قازاقستانداعى ۇلىنىڭ ۇيىنە كەلىپ، تۇرعىلىقتى تۇرۋ ءۇشىن ءىس-قۇجاتتارىن وتكىزىپ، ق ر- نىڭ ىحتيار حاتىمەن قۇجاتتاندىرىلعان. بۇل قۇجاتتىڭ اياقتالۋ مەرزىمى جاقىنداپ قالعان سوڭ ءارى پەرزەنتتەرى قازاقستاندا تۇراتىندىقتان ق ر ازاماتتىعىنا وتكىسى كەلگەن. سودان ءتارتىپ ساقشىلارى بىردەن ارەكەت ەتىپ، اق جاۋلىقتى انانى ح ق ك و- نا جەدەل جەتكىزىپ، قاجەتتى فوتو- بەينەگە تۇسىرەدى. ءىس-قۇجاتتارىن تەز ارادا جيناقتايدى. وسىلايشا تۇركىستان قالاسىنىڭ تۇرعىنى امانكۇل ماراسۋلوۆاعا ازاماتتىق الۋعا كومەك بەرىلدى. دايىن قۇجاتتى تابىستاۋ ءۇشىن تۇركىستاندىق پوليتسەيلەر عاسىرعا جۋىق ءومىر سۇرگەن انانىڭ قارا شاڭىراعىنا ارنايى باردى. قارت كىسىنى كەلە جاتقان جاڭا جىل مەرەكەسىمەن قۇتتىقتاپ، سىي-سىياپاتتارىن جاسادى. ءوز كەزەگىندە كەيۋانانىڭ كۋانىشىندا شەك بولمادى. ول پوليتسيا قىزمەتكەرلەرىنە انالىق العىسىن جاۋدىردى.
«بىزدەر كەزىندە قانشاما قيىنشىلىقتاردى كورگەنبىز. ەندىگى ۋاقىتتا ءبىز كورگەن سوعىستى، اشارشىلىقتى كورمەڭدەر. دەندەرىڭە ساۋلىق تىلەيمىن. ەلىمىز امان بولسىن، كوبەيىپ، ءوسىپ- ونە بەرىڭدەر»، - دەپ شىنايى ريزاشىلىعىن ءبىلدىرىپ، اق باتاسىن بەردى. ال، اجەيدىڭ ۇلى ابدۋراحيم ماراسۋلوۆ بولسا، اناسى كەزىندە شارۋاقور ادام بولعانىن جەتكىزدى.
«اكەمىزدەن جاستاي ايىرىلدىق. سوندا دا انامىز ءبىزدى ەشكىمنەن كەم قىلماي ءوسىردى. وقىتتى. ومىرگە 3 ۇل 1 قىزدى اكەلدى. ولاردان 5 نەمەرە، 13 شوبەرە ءسۇيىپ وتىرعان جايى بار. وتباسىمىزدا بارلىعىمىز قازاقستان رەسپۋبليكاسىنىڭ ازاماتتىعىن العانبىز. ەندى مىنە انامىزدا ءبىزدىڭ قاتارىمىزعا قوسىلدى. قۋانىشتىمىز!» - دەپ اتاپ ءوتتى ول. جالپى، قازاقستان رەسپۋبليكاسى ءى ءى م-نىڭ تاپسىرماسىنا سايكەس تۇركىستان وبلىسى پوليتسيا دەپارتامەنتىندە قۇجاتتانباعان نەمەسە ك س ر و قۇجاتىمەن قالىپ قويعاندارعا، ەگدە جاستاعى ءجۇرىپ-تۇرۋى قيىن قاريالارعا قۇجات راسىمدەۋ ماقساتىندا كوشى-قون قىزمەتكەرلەرىنەن ارنايى موبيلدىك توپتار قۇرىلعان.
