ۇلاربەك نۇرعالىم ۇلى: «اباي جولى» فيلىمىندە قازاقتىڭ قارا ءسوزىنىڭ قايماعىن بۇزىپ الماي جەتكىزۋگە تالپىندىق

نۇر- سۇلتان. قازاقپارات - «اباي جولى» تەلەحيكاياسىندا ۇلى ويشىل، اعارتۋشى، اقىن ءارى كومپوزيتوردىڭ وسكەن ورتاسى، تاعدىرى، ءومىر سۇرگەن ۋاقىتى كورسەتىلەدى.

بۇل كينوتۋىندىدا قازاقتىڭ كورنەكتى جازۋشىسى مۇحتار اۋەزوۆتىڭ «اباي جولى» رومانىن جازىپ، ونى جاريالاۋ كەزىندەگى قيىنشىلىقتارى باياندالادى. اۋەزوۆ روماندى جارىققا شىعارۋ ءۇشىن 20 جىلدان استام ۋاقىت ىزدەنگەن، كوپتەگەن اداممەن كەزدەسىپ، اقپارات جيناعان. فيلمدە ⅩⅨ عاسىردىڭ سوڭى مەن ⅩⅩ عاسىردىڭ وتىزىنشى جىلدارىنداعى قوعام كەلبەتى سۋرەتتەلەدى.

التى بولىمنەن تۇراتىن «اباي جولى» تەلەحيكاياسىن الداعى دەمالىس كۇندەرى، ياعني 26-27 - جەلتوقساندا ساعات 15.00-دە حابار تەلەارناسىنان كورە الاسىزدار.

ۇلاربەك نۇرعالىم ۇلى، فيلمنىڭ سسەناريسى:

- اباي مەن اۋەزوۆ - ەكەۋى قازاقتىڭ قارا ءسوزىنىڭ قايماعى. سول قايماقتى قالاي بۇزىپ الماي جەتكىزەمىز دەگەن ماسەلە بار. بۇل جەردە سونى ساقتاۋ، ونى كينونىڭ تىلىندە بەرۋ، ونى اكتەردىڭ ايتىلۋىنا ىڭعايلاپ بەرۋ سياقتى قيىنشىلىقتار بولدى. ونىڭ بارىنەن شامامىزشا وتتىك.

www.24.kz