11:34, 19 - جەلتوقسان 2020 | GMT +5
شىمكەنتتە قىز جىبەكتىڭ سۋرەتىنە «جان ءبىتىپ»، گاككۋ ءانىن شىرقايتىن بولدى
شىمكەنت. قازاقپارات - شىمكەنتتە قىز جىبەك پەن تولەگەننىڭ سۋرەتىنە «جان ءبىتتى»، دەپ حابارلايدى قازاقپارات.
بۇل جايىندا شاكەن ايمانوۆ اتىنداعى «قازاق فيلم» كينوستۋدياسى Facebook پاراقشاسىندا مالىمەت تاراتتى.
«بۇل كەرەمەت مۋرال - رەجيسسەر سۇلتان قوجىقوۆتىڭ «قىز جىبەك» فيلمىنەن الىنعان كورىنىس. ول شىمكەنتتەگى تۇرعىن ءۇيدىڭ قاسبەتىندە ورنالاسقان» دەپ جازادى كينوستۋديا.
مۋرالدىڭ ەرەكشەلىگى - ءسىز سمارتفونمەن سۋرەتتىڭ جانىنداعى QR كودتى سكانەرلەسەڭىز، «گاككۋ» ءانى شىرقالىپ، سۋرەتكە جان بىتەدى.
باس كەيىپكەردىڭ اتپەن بەينەلەنگەن سۋرەتى دە «ءتىرى» سەكىلدى.
