قىتاي جۇك قابىلداۋدىڭ جاڭا ءتارتىبىن ەنگىزدى. ەكسپورتشىلار كومەك سۇراپ وتىر
قىتاي شەكاراسىندا كۇردەلى جاعداي قالىپتاستى. 12 مىڭنان استام تيەلگەن ۆاگون قابىلداۋدى كۇتۋدە. جىلجىمالى قۇرامنىڭ جينالىپ قالۋىنا ق ح ر جاعىنان سانيتارلىق باقىلاۋدى ەنگىزۋ ىقپال ەتتى. اتالعان ءتارتىپ بۇگىنگى كۇنگە دەيىن ساقتالۋدا.
قازاقستان استىق وندەۋشىلەر وداعىنىڭ پرەزيدەنتى ەۆگەني گان جۇيەلى ماسەلەنى «قازاقستان تەمىر جولى» ۇ ك» ا ق، اتامەكەن جانە مۇددەلى مينيسترلىكتەردىڭ بىرلەسكەن كۇش- جىگەرىنىڭ ارقاسىندا شەشۋگە بولادى دەپ سانايدى.
«ءبىز «ءبىر تەرەزە» قاعيداتى بويىنشا، ايتايىق تەك «قازاقستان تەمىر جولى» ۇ ك» ا ق جۇمىس ىستەگىمىز كەلەدى. كوپ قۇرىلىم جۇمىسقا كەدەرگى كەلتىرەدى»، دەدى ول.
«قازاقستان تەمىر جولى- جۇك تاسىمالى» ج ش س باس ديرەكتورىنىڭ ءبىرىنشى ورىنباسارى قانات كوبەسوۆ ۇلتتىق جۇك تاسىمالداۋشى دوستىق - الاشاڭقاي شەكارالىق وتكەلىندە تاسىمال جوسپارىن تولىق كولەمدە ورىنداۋ مەن ۇزدىكسىز تاسىمالداۋدى قامتاماسىز ەتۋ ءۇشىن بارلىق كەدەرگىلەردى جويۋ جانە وتكىزۋ مۇمكىندىگىن جاقسارتۋ بويىنشا شارالار قابىلداۋدا ەكەندىگىن اتاپ كورسەتتى. اتاپ ايتقاندا، ءۇرىمجى تەمىر جولى وكىلدەرىمەن تيەلگەن پويىزداردى قابىلداۋدى ەكى ەسەگە - تاۋلىگىنە 14 جۇپ پويىزعا دەيىن قابىلداۋ كەلىسسوزدەرى جۇرگىزىلدى.
تەمىرجولشىنىڭ پىكىرى بويىنشا، بۇندا ۇلكەن الەۋەت بار. قانات كوبەسوۆ «قازاقستان تەمىر جولى» ۇ ك» ا ق مەن ءۇرىمجى تەمىر جولدارى اراسىندا ىنتىماقتاستىق تۋرالى كەلىسىم شەڭبەرىندە تاۋلىگىنە 18 جۇپ پويىزدى كەدەرگىسىز قابىلداۋ جانە بەرۋ مۇمكىن ەكەندىگىن قاپەرگە سالدى. دوستىق - الاشاڭقاي شەكارالىق وتپەسى ارقىلى وسىنشاما پويىزدار الماسىمى وسى جىلدىڭ جازىندا جۇزەگە اسىرىلدى. قازاقستاندىق شەكارالىق ستانسياسى وسىنشاما كولەمدەگى ۆاگوندار بەرۋدى قامتاماسىز ەتۋگە دايىن.
قازاقستاندىق تەمىرجولشىلار ق ح ر كەلەتىن پويىزداردى بەلگىلەنگەن مەرزىمدە جانە كولەمدە قابىلداۋدا. سونىمەن قاتار، تيەۋگە ماجبۇرلىك تىيىم سالۋ ءىس- ارەكەتىمەن بايلانىستى «قازاقستان تەمىر جولى - جۇك تاسىمالى» ج ش س جۇك جونەلتۋشىلەرگە تيەۋ جوسپارىن ورىنداماعانى ءۇشىن سالىناتىن ايىپپۇلدى الىپ تاستادى.
- ءبىز ونلاين رەجيمىندەگى ءۇنقاتىسۋعا دايىنبىز. قىتايلىق اكىمشىلىك وكىلدەرىمەن شەكارالىق تەمىرجول وتكەلدەرى اراسىنداعى تاسىمالداردى ۇيىمداستىرۋ ماسەلەلەرى ءار سەيسەنبى سايىن تالقىلاناتىن بولادى. بىزدە قىتايلىق ارىپتەستەرمەن ايتارلىقتاي ءتيىمدى كوممۋنيكاتسيا ءۇشىن تەحنيكالىق مۇمكىندىكتەر بار، كەلىسسوزدەر پروتسەسىنە مۇددەلى مەملەكەتتىك ورگانداردى دا قوسىلۋعا شاقىرامىز، - دەدى قانات كوبەسوۆ.
قانات كوبەسوۆ جۇيەلى ماسەلەلەردى انىقتاۋ مەن ولاردىڭ شەشىمىن ىزدەۋ ءۇشىن مۇددەلى مەملەكەتتىك ورگانداردىڭ، وتاندىق ەكسپورتتاۋشىلاردىڭ جانە وزگە دە قۇرىلىمداردىڭ قاتىسۋىمەن جەدەل توپ قۇرۋدى ۇسىندى. ءوز كەزەگىندە ەكسپورتتاۋشىلار «استىق ترانس» ا ق تاراپىنان ۆاگونداردىڭ تۇرىپ قالۋىنا نورماتيۆتەن تىس نەگىزسىز ايىپپۇلدار سالۋىنا شاعىمداندى. ولاردىڭ پىكىرىنشە، فورس- ماجورلىق جاعداي ەسكەرىلۋى ءتيىس. ونلاين- كونفەرەنسيانى اياقتاي كەلە مودەراتور، «اتامەكەن» ق ر ۇ ك پ باسقارۋشى ديرەكتورى ەربول ەسەنەيەۆ تەمىر جول، سالالىق قاۋىمداستىقتار وكىلدەرىمەن وسىنداي كەزدەسۋ وتكىزۋ كۇتكەندەگىدەي ناتيجە بەرەتىندىگىن العا تارتتى.
