اۋعان ايەلدەرىنىڭ ەكىنشى توبى قازاقستانعا كەلدى
10 ستۋدەنتتەن تۇراتىن جاڭا توپتىڭ اكادەميالىق ساپارى Almaty Management University ءتىل مەكتەبىندەگى اعىلشىن ءتىلىن ۇيرەنۋ بويىنشا ونلاين ساباقتارىنان باستالدى. تىلدىك دايارلاۋدى ءساتتى اياقتاعاننان كەيىن گرانت يەگەرلەرى قازاقستاننىڭ ۇزدىك ۋنيۆەرسيتەتتەرىنىڭ ءبىرى قازاقستان- بريتان تەحنيكالىق ۋنيۆەرسيتەتىنە تاۋ-كەن ءىسى ماماندىعى بويىنشا وقۋعا تۇسەدى.
اۋعانستاندىق 30 ايەلدەن تۇراتىن العاشقى توپ الماتىعا 2019 -جىلدىڭ قازان ايىندا كەلگەن ەدى. شاكىرتاقى يەگەرلەرى تىلدىك دايىندىقتى ويداعىداي ءتامامداپ، ساتبايەۆ، قازاق ۇلتتىق اگرارلىق جانە قازاقستان- بريتان تەحنيكالىق ۋنيۆەرسيتەتتەرىنە تاۋ- كەن ءىسى، اۋىلشارۋاشىلىق جانە قارجى ماماندىقتارى بويىنشا باكالاۆريات، ماگيستراتۋرا جانە تەحنيكالىق جانە كاسىپتىك ءبىلىم بەرۋ (TVET) باعدارلامالارىنا ءتۇستى. قازىرگى ۋاقىتتا COVID-19 شەكتەۋلەرىنە بايلانىستى ستۋدەنتتەر اكادەميالىق كۋرستارىن ونلاين رەجيمىندە ءوتىپ جاتىر.
جوبا اۋعان ايەلدەرىنىڭ جوعارى ءبىلىم الۋ جولىنداعى قۇلشىنىستارىن قولداۋ ماقساتىندا ەۋروپالىق وداق (ە و) بولگەن 2 ميلليون ەۋرو گرانت اياسىندا جۇزەگە اسىرىلادى. جالپى العاندا، 2025 -جىلعا دەيىن 50 اۋعان ايەلى قازاقستان مەن وزبەكستانداعى ۇزدىك ۋنيۆەرسيتەتتەردەگى جوعارى، تەحنيكالىق جانە كاسىپتىك ءبىلىم الاتىن بولادى. ءبىلىم بەرۋ ارقىلى ايەلدەردىڭ مۇمكىندىكتەرىن ارتتىرۋ ءار جەكە ايەلدىڭ ءومىر ءسۇرۋ ساپاسىنا عانا ەمەس، سونىمەن قاتار جالپى ەلدىڭ ەكونوميكالىق دامۋىنا وڭ اسەرىن تيگىزەدى. باعدارلاما اياسىندا الىنعان ءبىلىم اۋعان ايەلدەرىنە وتانىنا ورالعاننان كەيىن ءوز الەۋەتتەرىن جۇزەگە اسىرۋعا جانە جەرگىلىكتى قاۋىمداستىقتاردىڭ دامۋىنا زور ۇلەس قوسۋلارىنا مۇمكىندىك بەرەدى.
«ايەلدەر ەكونوميكالىق ءوسۋ مەن تۇراقتى دامۋدىڭ نەگىزى بولىپ تابىلادى جانە ولاردىڭ ەكونوميكالىق الەۋەتتەرى كەز كەلگەن ەلدىڭ العا باسۋىنداعى ءرولى وتە ماڭىزدى. اۋعانستانداعى بەيبىتشىلىك پەن تۇراقتىلىقتى ودان ءارى دامىتۋ جولىنداعى ىنتىماقتاستىقتى نىعايتۋ ەۋروپالىق وداق پەن ورتالىق ازيا ەلدەرىنىڭ ورتاق مۇددەسى. باسقاشا ايتقاندا، اۋعانستاندا بەيبىتشىلىك ورناماي، ورتالىق ازيانىڭ گۇلدەنۋى مۇمكىن ەمەس. اۋعانستان، قازاقستان جانە وزبەكستان اراسىنداعى «ءبىلىم بەرۋ كوپىرى» ەلدەردىڭ الەۋمەتتىك جانە ەكونوميكالىق بايلانىسىن ودان ءارى كۇشەيتە الادى. وسىلايشا قاۋىپسىزدىك ماسەلەلەرىن شەشۋگە ۇلەس قوسىپ، ايماقتىڭ بەيبىت جانە گۇلدەنگەن بولاشاعىن قامتاماسىز ەتۋگە مۇمكىندىك بەرەدى»، - دەيدى ەۋروپالىق وداقتىڭ قازاقستانداعى ەلشىسى سۆەن-ولوۆ كارلسسون.
اۋعان ايەلدەرى ءبىلىم الۋ جانە جۇمىسقا ورنالاسۋ جولىندا ەر ازاماتتارمەن سالىستىرعاندا اناعۇرلىم كوپ كەدەرگىلەرگە تاپ بولادى. ادام الەۋەتىن دامىتۋ تۋرالى ب ۇ ۇ د ب- نىڭ 2019 -جىلداعى بايانداماسىنا سايكەس ەرەسەك اۋعان ايەلدەرىنىڭ تەك 13 پايىزى عانا ورتا مەكتەپتى بىتىرگەن بولسا، ەر ادامداردىڭ اراسىندا بۇل كورسەتكىش 37 پايىزدى قۇرايدى. كەدەيلىك، قاۋىپسىزدىك ماسەلەلەرى، گەندەرلىك ستەرەوتيپتەر مەن الەۋمەتتىك نورمالار اۋعان ايەلدەرىنىڭ ءبىلىم الۋ جولىنداعى نەگىزگى شەكتەۋشى سەبەپتەرىنىڭ ءبىرى بولىپ تابىلادى.
قازاقستانداعى بىرىككەن ۇلتتار ۇيىمى دامۋ باعدارلاماسى (ب ۇ ۇ د ب) باستامانى جۇزەگە اسىرۋشى سەرىكتەس رەتىندە تاعايىندالعان بولاتىن.
«قازاقستانداعى ب ۇ ۇ د ب- سى بۇل ماڭىزدى باستاماعا قاتىسۋىن مارتەبە سانايدى. ءبىز كەز- كەلگەن قوعامنىڭ دامۋى سول قوعامداعى ايەلدەردىڭ تولىق جانە بەلسەندى قاتىسۋىنسىز مۇمكىن ەمەس دەپ سەنەمىز. قالىپتاسقان كەدەرگىلەر مەن تەڭسىزدىكتەردى جويۋ ارقىلى ايەلدەردىڭ مۇمكىندىكتەرىن ارتتىرۋ ولاردىڭ ءوز قوعامدارىنداعى تەڭدىكتى قالپىنا كەلتىرۋگە جانە ءوز قوعامداستىقتارى مەن ەكونوميكالارىنىڭ دامۋى ءۇشىن وتە ماڭىزدى».
وسى جازدا جوبا وزبەكستاندا رەسمي تۇردە جالعاستى. ون اۋعان ايەلى تەرمەز قالاسىنداعى اۋعانستان ازاماتتارىن وقىتۋعا ارنالعان ءبىلىم بەرۋ ورتالىعىندا (ECTAT) اۋىلشارۋاشىلىق ماماندىعى بويىنشا وقيتىن بولادى. وسىلايشا، 50 اۋعان ستۋدەنتتەرىنىڭ بارلىعى ىرىكتەلىپ، قازىرگى ۋاقىتتا ولار قازاقستان مەن وزبەكستانداعى ءبىلىم الۋ جولىنداعى ءارتۇرلى كەزەڭدەرىندە ورنالاسقان.
