قازاقستاننىڭ گۋمانيتارلىق كومەگى بىشكەككە جەتتى

بىشكەك. قازاقپارات - قازاقستاننان گۋمانيتارلىق كومەك رەتىندە جىبەرىلگەن مەديتسينالىق بۇيىمدار مەن جابدىقتار بۇگىن بىشكەككە جەتكىزىلدى.

جۇكتى قىرعىزستان دەنساۋلىق ساقتاۋ مينيسترلىگىنىڭ ماماندارى قابىلداپ الدى، دەپ حابارلايدى قازاقپارات يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

ۆەدومستۆونىڭ مالىمدەۋىنشە، گۋمانيتارلىق كومەك قۇرامىندا 400 «تىنىس» ا ق جاساعان «كوكشەتاۋ-4پ» وكپەنى جاساندى جەلدەتۋ موبيلدى اپپاراتى جانە الماتىداعى «Dolce pharm» ج ش س جانە جامبىل وبلىسىندا ورنالاسقان «Mega pharm» ج ش س شىعارعان 2 ميلليون مەديتسينالىق بەتپەردە بار. گۋمانيتارلىق كومەك قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ تاپسىرماسىنا ساي كورسەتىلدى.

جىبەرىلگەن گۋمانيتارلىق جۇكتىڭ جالپى قۇنى 400 ميلليون تەڭگەگە جۋىق. ق ر ۇكىمەتىنىڭ قاۋلىسىنا سايكەس ناۋقاندى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى ۇيىمداستىردى.

ەسكە سالا كەتسەك، كەشە گۋمانيتارلىق جۇك تيەلگەن كولىكتەر اتتاندىرىلعانىن حابارلاعانبىز.