اقمولالىق وقۋشى مەن ونىڭ باۋىرى الەمنىڭ ۇزدىك بالالارىنىڭ تىزىمىنە ەندى
اپالى ءىنىلى وقۋشىلار ءوز ونەرىمەن «قازاقستانداعى 1№» جۋرنالعا، ودان كەيىن «الەمنىڭ ۇزدىك بالالارى» حالىقارالىق رەسمي سايتىنا ەندى، دەپ حابارلايدى قازاقپارات ءتىلشىسى.
ءبىر كۇنى بالالاردىڭ اناسى اسەمگۇل يسەنوۆاعا باسپاحانادان حابارلاسىپ، ونىڭ قىزى نۇريزا تۋرالى جازۋعا رۇقسات سۇرايدى. ال اسەمگۇل يسەنوۆا بالالارىن ۇسىنعان مۇعالىمدەردىڭ كىم ەكەنى دە ەسىندە جوق بولىپ شىعادى.
«ارينە، قانداي اتا-انا بالاسىنىڭ جۋرنال بەتىندە ۇزدىكتەر قاتارىنان كورگىسى كەلمەيدى. ءبىز اتا- اجەمىزبەن بىرگە تۇرامىز، ولاردى نەمەرەلەرىنىڭ جەتىستىكتەرىمەن قۋانتقىمىز كەلدى»، - دەدى قازاقپارات تىلشىسىنە اڭگىمە بارىسىندا ءا. يسەنوۆا.
وقۋشىنىڭ مۇنداي بيىكتەردەن كورىنۋى تەكتەن تەك ەمەس. جاسىنا قاراماستان وقۋشى قىزدىڭ قول جەتكىزگەن جەتىستىكتەرى مەن ماراپاتتارى جەتەرلىك. بۇعان قوسا، نۇريزا ساباعىن «بەسكە» وقيدى، جانە ءبىرجان سال اتىنداعى مۋزىكا كوللەدجىندە فورتەپيانو ۇيىرمەسىنە قاتىسادى.
نۇريزا ابايدىڭ 175 جىلدىعىنا ارنالعان بايقاۋعا قاتىسىپ، ەسسە جازۋدان ەكىنشى ورىن الدى. ال، ن. نازاربايەۆتىڭ «ۇلى دالانىڭ جەتى قىرى» ماقالاسى شەڭبەرىندە ۇيىمداستىرىلعان «مەن جانە مەنىڭ الەمىم» فوتوبايقاۋىنىڭ «كوللاج» اتالىمى بويىنشا ەكىنشى ورىننان كورىندى.
2017-جىلى نۇريزانىڭ اناسى ونىڭ بارلىق ولەڭدەرىن جيناپ، شاعىن جيناق قىلىپ شىعاردى. ول كەزدە قىز كوكشەتاۋ قالالىق 1№ ورتا مەكتەپتىڭ ءتورتىنشى سىنىبىندا وقيتىن كەزى. قازىرگى كەزدە، نازاربايەۆ فيزيكو-ماتەماتيكا باعىتىنداعى ينتەللەكتۋالدى مەكتەبىندە ءبىلىم الۋدا.
«قازىر قىزىم 8- سىنىپتا وقيدى. سۋرەت سالۋدى جانە كىتاپ وقىعاندى ۇناتادى، اعىلشىن جانە فرانسۋز تىلدەرىن ۇيرەنۋدە. ەر جەتكەندە پسيحولوگ جانە جۋرناليست بولۋدى ارماندايدى»، - دەيدى ءا. يسەنوۆا.
اناسى قىزىمەن بىرگە، ۇلى نۇرداۋلەتتى دە بايقاۋدىڭ ىرىكتەۋى تۋرىنا جىبەرگەن. نۇرداۋلەتتە ساباعىن جاقسى وقيدى، اعاشتان ءتۇرلى بۇيىمدار جاساۋعا اۋەس، اعىلشىن ءتىلىن ۇيرەنۋدە. ول «اناما سىيلىق!» رەسپۋبليكالىق بايقاۋىندا ەكىنشى ورىن الدى. سول كەزدە، ول ءجىپ پەن تەمىر سىمنان گۇل شوعىن جاسادى.
سونىمەن بىرگە، ول «قىسقى پەيزاج» رەسپۋبليكالىق بايقاۋىنىڭ «قىسقا سۋرەت» اتالىمى بويىنشا ۇزدىكتەر قاتارىنان كورىندى. اپالى ءىنىلى نۇريزا مەن نۇرداۋلەتتىڭ ەسىمدەرى ماقالادا جاريالانعاننان بولەك، «الەمنىڭ ۇزدىك بالالارى» حالىقارالىق رەسمي سايتىنا ەنگەندىگى تۋرالى سەرتيفيكات پەن العىس حاتقا يە بولدى.
