09:44, 17 - قاراشا 2020 | GMT +6
قازاقستان قىرعىزستانعا كوروناۆيرۋسپەن كۇرەسۋ ءۇشىن مەديتسينالىق بۇيىمدار جىبەرەدى
نۇر-سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسى بويىنشا ق ر ۇكىمەتى كوروناۆيرۋس ينفەكتسياسىمەن كۇرەس اياسىندا قىرعىز رەسپۋبليكاسىنا گۋمانيتارلىق كومەك كورسەتەدى.
ۇل تۋرالى بۇگىن ق ر ۇكىمەتىنىڭ رەسمي سايتىنان ءمالىم بولدى، دەپ حابارلايدى قازاقپارات.
قىرعىزستانعا جاساندى تىنىس الۋ موبيلدى اپپاراتتارىنىڭ 400 جيىنتىعى جانە قازاقستان كاسىپورىندارىندا وندىرىلگەن 2 ميلليون مەديتسينالىق ماسكا جەتكىزىلەدى.
شەشىم قىرعىز تاراپىنىڭ حالىقتى مەديتسينالىق بۇيىمدارمەن قامتاماسىز ەتۋ ماقساتىندا رەسمي تۇردە جۇگىنۋىنە بايلانىستى قابىلداندى.
