قازاقستان رەسەيمەن بىرلەسىپ، كوروناۆيرۋسقا قارسى ۆاكسينا شىعارۋدى جوسپارلاپ وتىر

نۇر -سۇلتان. قازاقپارات - قازاقستان پرەزيدەنتى قاسىم-جومارت توقايەۆ رەسەي پرەزيدەنتى ۆلاديمير پۋتينمەن كوروناۆيرۋسقا قارسى ۆاكسينانىڭ بىرلەسكەن ءوندىرىسىن ىسكە قوسۋ ماسەلەسىن تالقىلادى.

بۇل تۋرالى كرەمل سايتىندا ايتىلادى.

«كوروناۆيرۋستىق پاندەميامەن كۇرەستە ىنتىماقتاستىقتى ارتتىرۋعا نازار اۋدارا وتىرىپ، ەكىجاقتى كۇن تارتىبىندەگى ءبىرقاتار وزەكتى تاقىرىپ، سونىڭ ىشىندە قازاقستان اۋماعىندا ۆاكسينالاردى بىرلەسىپ ءوندىرۋدى ۇيىمداستىرۋ جونىندەگى جوسپارلار تالقىلاندى»، - دەدى پۋتيننىڭ باسپا ءسوز قىزمەتىندەگىلەر.