كوروناۆيرۋس جۇقتىرعان قازاقستاندىق ايەل بەس اي بويى اۋىرعان

نۇر -سۇلتان. قازاقپارات - كوروناۆيرۋس جۇقتىرعان قازاقستاندىق ايەل مامىردان قازان ايىنا دەيىن اۋىرعانى انىقتالدى.

قازان ايىنىڭ سوڭىندا جەلىدە جۇمىستا كوروناۆيرۋس جۇقتىرعانى ءۇشىن وتەماقى الا الماي جۇرگەن جەدەل جاردەم قىزمەتكەرىنىڭ ۆيدەوسى تاراعان بولاتىن. ۆيدەودا ايەل وسىمەن ەكىنشى رەت كوروناۆيرۋس جۇقتىرىپ، اۋىرىپ جاتقانىن جانە ول كەزدە دەنساۋلىق ساقتاۋ مينيسترلىگى كوروناۆيرۋستى قايتا جۇقتىرۋ دەرەگى تىركەلمەگەن دەپ مالىمدەگەنىن ايتادى.

دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى Tengrinews.kz ءتىلشىسىنىڭ رەسمي ساۋالىنا بەرگەن جاۋابىندا سايارا نابيدينوۆانىڭ كوروناۆيرۋستى ەكىنشى رەت جۇقتىرماعانىن، تەك ۆيرۋستىڭ ۇزاق ۋاقىتقا سوزىلعانىن ايتتى.

ناۋقاستا كوروناۆيرۋس مامىردا انىقتالعان ەكەن.

«25-مامىردان 5-ماۋسىمعا دەيىن الماتىداعى ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ ءپروفيلدى ستاتسيونارىندا ەم الدى. ەم كلينيكالىق حاتتاماعا سايكەس جۇرگىزىلدى»، - دەدى ۆەدومستۆوداعىلار.

الايدا 1-قازاندا ناۋقاس كوروناۆيرۋستى قايتا جۇقتىردىم دەپ اۋرۋحاناعا كومەككە جۇگىنگەن. ءبىراق تەست تەرىس ناتيجە كورسەتكەن.

ال كەۋدە قۋىسىنىڭ كومپيۋتەرلىك توموگرافياسىندا ايەلدەن ەكىجاقتى پوليسەگمەنتالدى پنيەۆمونيا انىقتالعان.

«بۇل جاعداي كونسيليۋمدا قارالدى. اۋرۋ انامنەزىنە سۇيەنە وتىرىپ، كونسيليۋم ناۋقاس نابيدەنوۆا كوروناۆيرۋس ينفەكسياسىن قايتا جۇقتىرماعان، تەك كوروناۆيرۋس ۇزاق ۋاقىتقا سوزىلعان دەگەن شەشىمگە كەلدى. شەتەل ادەبيەتتەرىندە بۇل تەرمين «ۇزاق كوۆيد« دەپ اتالادى»، - دەدى مينيسترلىك وكىلدەرى.

ايتا كەتەيىك، ناۋقاس اۋرۋحانادان 14-قازاندا شىعارىلعان. قازىرگى ۋاقىتتا ۋچاسكەلىك دارىگەردىڭ باقىلاۋىندا.