تۇركىستان قالاسىندا حالىقارالىق تەاتر فەستيۆالى وتەدى
بۇگىندە تۇركىستان قالاسى ناعىز مادەنيەت پەن رۋحانياتتىڭ ورتالىعىنا اينالىپ كەلەدى. ويتكەنى مۇندا سوڭعى ەكى جىلدا بىرنەشە جاڭا مادەني نىساندار بوي كوتەردى. ولاردىڭ قاتارىندا وبلىستىق قازاق دراما تەاترى، «ياساۋي» مۋزەيى، «ۇلى دالا ەلى» مەن «قابىلداۋ» ورتالىعى، كونگرەسس- حولل، امفيتەاتر سىندى عيماراتتار بار. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە تۇركىستان وبلىستىق مادەنيەت باسقارماسىنىڭ باسشىسى ءازىمحان قويلىبايەۆ باياندادى. بۇدان بولەك، وبلىس ورتالىعىندا قازاق حاندارى مەن بيلەرى جانە «تۇركى الەمى» ورتالىقتارى، تۇركىستان وبلىستىق امبەباپ- عىلىمي كىتاپحاناسىنىڭ قۇرىلىسى جۇرگىزىلۋدە.
«بيىل ءابۋ ناسىر ءال- فارابيدىڭ 1150 جانە ابايدىڭ 175 -جىلدىق مەرەيتويلارىنا وراي تۇركىستان قالاسىندا جاڭادان سالىنعان وبلىستىق دراما تەاتر مەكەمەسىنىڭ الدىنا ءابۋ ناسىر ءال- فارابيدىڭ، ال «وقۋشىلار سارايى» مەكەمەسىنىڭ الدىنا ابايدىڭ ەسكەرتكىشتەرى ورناتىلدى. سونىمەن قاتار، سوڭعى 9-ايدا وبلىستاعى 24 مۋزەيدە 2000 نان اسا ونلاين ءىس- شارا ۇيىمداستىرىلىپ، 3369 جاڭا ەكسپونات جيناقتالدى. ناتيجەسىندە وبلىستاعى مۋزەيلەردىڭ جالپى قورى 173 986 داناعا جەتىپ وتىر»، - دەدى ءازىمحان سەرىك ۇلى.
سونداي- اق، بيىل ۇلى كومپوزيتور ءشامشى قالداياقوۆتىڭ 90 جىلدىعىنا وراي وتىرار اۋدانىندا كومپوزيتوردىڭ ءوزى تۇرعان ۇيىنەن ش. قالداياقوۆ مۋزەيى اشىلدى. باسقارما باسشىسى كەلەسى جىلى تۇركىستان قالاسىندا حالىقارالىق تەاتر فەستيۆالى وتەتىنى جوسپارلانىپ وتىرعانىن جەتكىزدى. جالپى، بۇگىنگى تاڭدا تۇركىستان وبلىسىندا 678 مادەنيەت جانە ونەر مەكەمەسى جۇمىس ىستەيدى. ونىڭ ىشىندە: 390 كىتاپحانا، 251 كلۋب، 24 مۋزەي، 2 كاسىبي تەاتر، 5 ساياباق، 2 ورتالىق، 1 وبلىستىق فيلارمونيا، 1 كوركەمسۋرەت گالەرەياسى، 1 «وڭتۇستىك فيلم» مەكەمەسى، 1 «تۇركىستان سارايى» كونتسەرتتىك مەكەمەسى بار. جىل باسىنان بەرى كوروناۆيرۋس ىندەتىنىڭ شەكتەۋ شارالارىنىڭ تالاپتارى ساقتالا وتىرىپ، تۇركىستان وبلىستىق مادەنيەت باسقارماسىنىڭ ۇيىتقى بولۋىمەن 10 وبلىستىق دەڭگەيدەگى كلۋبتار مەن كىتاپحانالاردا، مۋزەيلەردە 9 مىڭنان استام ءىس- شارا وتكىزىلگەن.
