بەرليندە «اباي ءۇيى» اشىلدى

بەرلين. قازاقپارات - «وتانداستار» قورى ق ر اقپارات جانە قوعامدىق دامۋ، سىرتقى ىستەر مينيسترلىكتەرىنىڭ قولداۋىمەن، سونداي- اق «دۇنيەءجۇزى قازاقتارى قاۋىمداستىعى» ح ق ۇ- مەن بىرلەسە وتىرىپ، گەرمانيا استاناسىندا «اباي ءۇيى» قازاق مادەني- ىسكەرلىك ءۇيىنىڭ سالتاناتتى اشىلۋىن وتكىزدى، دەپ حابارلايدى قازاقپارات ءتىلشىسى.

ق ر اقپارات جانە قوعامدىق دامۋ مينيسترلىگىنەن ءمالىم ەتكەندەي، شارا اياسىندا «اباي ءۇيى» مادەني- ىسكەرلىك ءۇيىنىڭ تۇساۋكەسەرى ءوتىپ، وندا گەرمانياداعى قازاق قوعامداستىعىنىڭ مادەني، ىسكەرلىك جانە ءبىلىم بەرۋ قىزمەتىن قولداۋعا باعىتتالعان بىرلەسكەن جوبالاردى ىسكە اسىرۋ ماسەلەلەرى تالقىلاندى.

ەسكە سالا كەتەيىك، بۇعان دەيىن «اباي ءۇيى» مادەني- ىسكەرلىك ۇيلەرى ومبىدا (رەسەي)، تاشكەنتتە (وزبەكستان)، ىستانبۇلدا (تۇركيا) اشىلعان بولاتىن. سونىمەن بىرگە «وتانداستار قورى» ك ە ا ق شەت مەملەكەتتەردە «اباي ءۇيى» مادەني- ىسكەرلىك ۇيلەرى جەلىسىن اشۋدى جالعاستىرۋدا.

ءىس- شاراعا ق ر اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتى ءتوراعاسىنىڭ ورىنباسارى ەركىن ۇيسىمبايەۆ، ق ر سىرتقى ىستەر مينيسترلىگى كونسۋلدىق قىزمەت دەپارتامەنتى قازاق دياسپوراسىمەن جۇمىس باسقارماسىنىڭ باسشىسى مۇحتار كارىباي، قازاقستاننىڭ گەرمانياداعى ەلشىلىگىنىڭ مادەنيەت جونىندەگى اتتاشەسى قۋانىش امىرعازيەۆ، «وتانداستار» قورى» ك ە ا ق ۆيتسە- پرەزيدەنتى ماعاۋيا سارباسوۆ، گەرمانيا- قازاقستان قوعامىنىڭ ديرەكتورى گالينا نۇرتازينوۆا، قازاقستان رەسپۋبليكاسىنىڭ بادەن- ۆيۋرتەمبەرگتەگى قۇرمەتتى كونسۋلى دوروتەيا حاللەر- لەيبلە، گەرمانياداعى قازاق قاۋىمىنىڭ وكىلدەرى جانە تاعى باسقالارى قاتىستى.

اۆتور: اياۋلىم التىنبەك