مارات وماروۆ كوروناۆيرۋسقا تاعى ءان ارنادى
«كۇنى كەشە عانا الماتى قالاسىندا ۆولونتەرلەردى ماراپاتتاۋعا ارنالعان شاراعا قاتىسقان ەدىم. ولار پاندەميا كەزىندە قارتتارعا، از قامتىلعان وتباسىلارعا، جەتىمدەرگە كومەك كورسەتۋگە جۇمىلدىرىلعان بولاتىن. جاستارىمىزدىڭ ورىن العان جاعدايعا بەيجاي قارامايتىندىعى، ولاردىڭ بەلسەندى قوعامدىق ۇستانىمى تاڭ قالدىردى. بۇل وتە جاقسى»، - دەدى كومپوزيتور.
سونىمەن قاتار ول بۇعان دەيىن «كوروناۆيرۋس، كەت، كەت، كەت» دەپ اتالاتىن ءازىل ءان جازعانىن، ءان قاس-قاعىم ساتتە بۇكىل الەۋمەتتىك جەلىگە تاراپ كەتكەنىن ايتادى. سونىمەن قاتار تانىمال ۆاينەرلەر، انشىلەر، مۋزىكانتتار، بلوگەرلەر مەن كىشكەنتاي بالالار بۇل انگە قاتىستى ءوز نۇسقاسىن جاريالاعانىن دا ەسكە سالىپ ءوتتى.
«ا ق ش پرەزيدەنتى دونالد ترامپ «امەريكادا كوروناۆيرۋسپەن كۇرەسكە ميلليونداعان دوللار جۇمساپ، شىعىندالۋدا. ال قازاق كومپوزيتورى ءبىر ءان جازىپ، ونىمەن كۇرەسىپ جاتىر» دەپ ازىلدەپتى. ارينە، بۇل قالجىڭ»، - دەيدى مارات وماروۆ.
تانىمال كومپوزيتور بارشا قازاقستاندىقتى وسىناۋ قيىن كەزەڭدە ۇيىمشىلدىق تانىتىپ، كارانتين شارالارىن ساقتاۋعا شاقىردى.
«بارشا قازاقستاندىقتى ماسكا كيۋگە، الەۋمەتتىك اراقاشىقتىق ساقتاپ، انتيسەپتيك پايدالانۋعا شاقىرامىن. وسى ورايدا مەن كومپوزيتور رەتىندە «ماسكا» دەپ اتالاتىن جاڭا ءان جازدىم»، - دەدى ول.
كومپوزيتوردىڭ جاڭا انىندە:
«ناديەۆايتە ماسكي - ماسكا كيىڭدەر،
بەتپەردەنى تاعىپ، جاۋىپ جۇرىڭدەر.
ءبىز بىرگەمىز، ءارقاشان ءبارىمىز بىرگە،
ءبىز سەنەمىز، الدا باقىتتى كۇندەر!» دەگەن جولدار بار.
مارات وماروۆ تاياۋ كۇندەرى جاڭا انىمەن چەللەندج باستاۋدى جوسپارلاپ وتىر.
«قازىر ۆولونتەرلەرمەن دايىندىق جۇرگىزىپ جاتىرمىن. چەللەندج باستاماق ويىم بار»، - دەيدى كومپوزيتور.
