ە ا ە و مەن قىتاي دوللاردان باس تارتپاق
بۇل تۋرالى «ەۋرازيالىق ەكونوميكالىق وداق» جانە «ءبىر بەلدەۋ، ءبىر جول» قىتايلىق باستامانىڭ ءتۇيىسۋى فورۋمىندا ايتىلدى.
ە ا ە و جانە قىتاي اراسىندا ەسەپتەسۋ كەزىندە دوللار جانە ەۋرونى پايدالانۋ بيزنەسپەن قوسا، سول ەلدەردىڭ بيۋدجەتىنە شىعىن كەلتىرەدى. بۇدان قۇتىلۋ ءۇشىن، سونداي- اق حالىقارالىق سانكتسيالارعا تاۋەلدى بولماۋ ءۇشىن ە ا ە و مەن قىتاي نە ۇلتتىق ۆاليۋتادا، نە جەكە ۇستىڭگى ۇلتتىق ۆاليۋتادا ەسەپ ايىرىسۋى كەرەك.
«ءوزىمىز باعاسىن بەلگىلەمەيتىن قۇنمەن ساۋدا جاسايتىنىمىز كومپانيالارعا كوپ شىعىن كەلتىرەدى. سونداي- اق ەكونوميكامىزدى وفشورلاۋدان دا از شىعىن بولمايدى»، - دەدى ە ە ك ينتەگراتسيا جانە ماكروەكونوميكا جونىندەگى القا مۇشەسى سەرگەي گلازيەۆ.
قىتاي حالىق ۋنيۆەرسيتەتى ماكروەكونوميكالىق زەرتتەۋ دەپارتامەنتىنىڭ ديرەكتورى ليۋ يۋي شۋدىڭ ايتۋىنشا، ترانزاكسيالاردا ۇنەمدەۋگە مۇمكىندىك بەرەتىن جانە قاۋىپتەردى جويۋدىڭ ەڭ ءتيىمدى جولى - سيفرلىق ۇلتتىق ۆاليۋتادا ەسەپ ايىرىسۋ. ءبىراق بۇل ازىرگشە تالقىلاۋ ساتىسىندا.
