قانداستار قازاقستاننىڭ قاي ايماقتارىندا تۇرعىسى كەلەدى

نۇر- سۇلتان. قازاقپارات - س. سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ پروفەسسورى، ەكونوميكا عىلىمدارىنىڭ كانديداتى قايرات بوداۋحان قانداستاردىڭ قاي وڭىرلەرگە كوبىرەك كوشەتىنىن ايتىپ بەردى، دەپ حابارلايدى قازاقپارات ءتىلشىسى.

«2003-2007 -جىلدار اراسىنداعى بەس جىلدا 60 مىڭ وتباسىعا كۆوتا بەلگىلەنگەن جانە ەلىمىزگە 250 مىڭنان استام قانداس كوشىپ كەلدى. ياعني، سول كەزدە جىل سايىن 50 مىڭنان استام ەتنيكالىق قازاق كوشىپ كەلسە، قازىر بۇل كورسەتكىش بار- جوعى 1358 ادام عانا»، - دەدى قايرات بوداۋحان «وتانداستار قورى» ك ە ا ق جانىنداعى قوعامدىق كوميسسيانىڭ وتىرىسىندا.

ونىڭ ايتۋىنشا، 2017-2020 -جىلدارى كۆوتا سانى نەبارى 7411 بولسا دا، كۆوتادان تىس ءۇش جىلدا 2020 -جىلدىڭ باستاپقى 8 ايىن قوسا ەسەپتەگەندە، 60707 قانداس ەلگە قونىس اۋدارعان. سوڭعى 5 جىلدا 70933 قانداس كوشىپ كەلگەن.

«بۇل رەتتە كۆوتا بولىنبەگەن 5 وڭىرگە - الماتى، جامبىل جانە تۇركىستان وبلىستارىنا جانە الماتى مەن شىمكەنت قالالارىنا 32222 ادام، ال ماڭعىستاۋ وبلىسىن ەسەپكە العاندا - 43006 ادام كەلگەن، ياعني تۇتاس قانداستار سانىنىڭ %61 ى وسى وڭىرلەرگە كەلگەن. بۇل ساندار ادامداردىڭ ءومىر سۇرۋگە قولايلى ايماقتاردى تاڭدايتىنىن كورسەتەدى، ياعني تابيعي- كليماتتىق جانە ەكونوميكالىق فاكتورلارعا باسىمدىق بەرىلەدى. تۋىستىق قاتىناستاردىڭ بولۋى دا ماڭىزدى»، - دەيدى عالىم.

ايتا كەتەيىك، بيىل قازاقستاننىڭ 7 وبلىسىنا 1378 ەتنيكالىق قازاققا وڭىرلىك كۆوتا بەرىلىپ وتىر. 1991 -جىلدان بەرى ەلىمىزگە 1 ميلليوننان استام قانداس كوشىپ كەلگەن. قانداستاردى قونىستاندىرۋ ءۇشىن قازاقستاننىڭ جەتى وڭىرىنە باسىمدىق بەرىلىپ وتىر.