قاسىم-جومارت توقايەۆ سۋديالار ب ا ق تاراپىنان ءجيى قىسىمعا ۇشىرايتىنىن ايتتى
بۇل تۋرالى ق ر سۋديالارىنىڭ VIII سەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«وتاندىق جانە حالىقارالىق ساراپشىلار سۋديا سوت جانە القا ءتوراعالارىنا تاۋەلدى بولۋىن جالعاستىرۋدا دەپ سانايدى. بۇل ورەسكەل تاجىريبە ءارى ودان ارىلۋ قاجەت. سۋديالاردىڭ قۇقىق قورعاۋ ورگاندارىنا تاۋەلدىلىگىنىڭ جالعاسۋى دا كۇردەلى پروبلەما. ەشكىمدە سۋديالاردىڭ تاۋەلسىزدىگىنە قاتىستى ءتىپتى كۇدىك تە تۋىنداماۋى ءتيىس. ازاماتتار، بيزنەس، ينۆەستورلار قازاقستانىق سوت بەيتاراپ ءارى ءادىل شەشىم شىعاراتىندىعىنا سەنىمدى بولۋى ءتيىس»، - دەدى ق ر پرەزيدەنتى.
سونىمەن قاتار مەملەكەت باسشىسى سوڭعى ۋاقىتتا سۋديالاردىڭ ب ا ق-پەن الەۋمەتتىك جەلىلەر تاراپىنان قىسىمعا ۇشىرايتىندىعى جايلى دەرەكتەردىڭ دە كەزدەسەتىندىگىنە نازار اۋدارتتى.
«تەرگەۋ ءالى ءجۇرىپ، ءىس سوتقا ءالى بەرىلمەسە دە جەكەلەگەن جۋرناليستەر مەن بلوگەرلەردىڭ احۋالدى شيەلەنىستىرىپ، سۋديالاردىڭ شەشىمىن جاريا تۇردە بولجاپ جاتادى. بۇل جەردە قابىلدانعان شارالاردى جانە دولبارلاپ ادامداردى قىزمەتكەر دەپ جاريالاۋعا اسىعاتىن كەيبىر قۇقىق قورعاۋ ورگاندارىنىڭ دا كىناسى بار. ب ا ق-تىڭ جاريالىلىعى مەن اشىقتىعىن سوتقا قىسىم جاساۋ ءۇشىن پايدالانۋعا مۇلدەم بولمايدى. سوت ادىلدىگى تەك سوت زالىندا جانە تەك سوت پروتسەسىنىڭ قورىتىندىسىندا ورىن الۋى ءتيىس. ءاربىر سۋديا ءوز ارەكەتى مەن شەشىمىنە جەكە جاۋاپ بەرەدى. سوتقا قىسىم جاساۋ فاكتىسى زاڭمەن جاۋاپ بەرۋى ءتيىس»، - دەدى قاسىم-جومارت توقايەۆ.
اۆتور: مارلان جيەمباي
