ۇيدە كوروناۆيرۋستى جۇقتىراتىن ەڭ قاۋىپتى ورىن اتالدى

نۇر -سۇلتان. قازاقپارات - امەريكالىق ۋنيۆەرسيتەتتىڭ بيولوگى ۆيرۋستىڭ اۋادا «سۇيىلتىلاتىنىن»، سوندىقتان كەڭ بولمەلەردە بولۋ دەنساۋلىق ءۇشىن قاۋىپسىز ەكەنىن مالىمدەدى.

دجوردج مەيسون ۋنيۆەرسيتەتىنىڭ (ا ق ش) جۇيەلىك بيولوگيا مەكتەبىنىڭ پروفەسسورى انچا بارانوۆانىڭ ايتۋىنشا، ليفت پەن كىرەبەرىس كوروناۆيرۋستى جۇقتىرۋ تۇرعىسىنان ۇيدەگى ەڭ قاۋىپتى جەرلەر.

ول ۆيرۋستىڭ اۋادا «سۇيىلتىلاتىنىن» ءتۇسىندىردى. سوندىقتان ۇلكەن بولمەلەردە بولۋ قاۋىپسىز. وسى تۇرعىدان العاندا، كىرەبەرىس تۇرعىندارعا قاۋىپ توندىرەدى.

ليفتكە كەلەتىن بولساق، بيولوگتىڭ ايتۋىنشا، ول جەرگە قاۋىپتى باكتەريالار قالدىراتىن COVID-19 تاسىمالداۋشىسى بارا الادى.

«مىسالى، كوروناۆيرۋس تاسىمالداۋشىسى سىزدەن جارتى ساعات بۇرىن ليفتكە كىردى دەلىك. ليفتپەن ءوتتى، سودان كەيىن ليفت تۇردى. ءبىراق اۋانىڭ كولەمى دە تۇرادى، بۇل ۆيرۋس ەشقايدا كەتپەيدى. جارتى ساعاتتان كەيىن ءسىز ليفتكە كىردىڭىز، ال اۋادا ۆيرۋس بار، ول ەشقايدا كەتپەيدى. وعان قوسا، ليفت قوزعالا باستادى، ال جوعارعى جاعىندا تۇرعان اۋا ءتۇسىپ، ءسىز ودان ءوتتىڭىز»، - دەدى بارانوۆا.

ول باسپالداقتى پايدالانۋ ليفتكە قاراعاندا قاۋىپسىز ەكەنىن ايتتى.

Stan.kz