قازاق ءتىلى تۋرالى ارنايى جوبا ازىرلەۋ كەرەك - ماكسيم سپوتكاي

نۇر-سۇلتان. قازاقپارات - ۇلتتىق قوعامدىق سەنىم كەڭەسىنىڭ ساياسي رەفورمالار جونىندەگى توبىنىڭ مۇشەسى ماسكيم سپوتكاي وزگە ەلدەردىڭ ۇلتتىق جوبالارىن قايتالاماۋ تۋرالى ايتتى، دەپ حابارلايدى قازاقپارات ءتىلشىسى.

«وزگە ەلدەردىڭ ۇلتتىق جوبالارىن قايتالاۋدان باس تارتۋىمىز كەرەك. ەلىمىزدىڭ ەرەكشەلىكتەرى ەسكەرىلمەي جاسالعان شەتەلدىك تاجىريبەلەر ءاردايىم ءساتسىز بولادى. سوندىقتان جوبالار «جابىق ەسىك» جاعدايىندا دايىندالماۋى ءتيىس. قازاقتا «كەلىسىپ پىشكەن تون كەلتە بولماس» دەگەن ءسوز بار. سوندىقتان مۇنداي جۇمىستارعا تاۋەلسىز ساراپشىلار، ازاماتتىق قوعام وكىلدەرى، اسىرەسە جاستاردىڭ ارالاسقانى ءجون»، - دەدى ماسكيم سپوتكاي.

ۇلتتىق قوعامدىق سەنىم كەڭەسى مۇشەسىنىڭ ايتۋىنشا ۇلتتىق جوبالار ەكونوميكا جانە ينفراقۇرىلىم بويىنشا، سونداي-اق قورشاعان ورتانى قورعاۋ، جاستاردى قولداۋ، رۋحاني جاڭعىرۋ، ۇلتتىق بىرلىك، اعارتۋ سالالارىن قامتۋى ءتيىس.

«سونىمەن قاتار مەملەكەت باسشىسىنىڭ «قازاق ءتىلى - ەتنوسارالىق قارىم- قاتىناس ءتىلى» دەگەن يدەياسىن دامىتۋ ءۇشىن ارنايى جوبا ازىرلەۋ ماڭىزدى دەپ سانايمىز»، - دەدى ول. ءبىزدىڭ

اۆتور: ايان بەكەن ۇلى