عالىمدار كوروناۆيرۋستىڭ جاڭا قاۋپى تۋرالى ايتتى

نۇر -سۇلتان. قازاقپارات – عالىمدار كوروناۆيرۋس ميدىڭ جۇمىسىنا كەرى اسەرىن تيگىزىپ، شيزوفرەنيا، التسگەيمەر، پاركينسون سىندى گەنەتيكالىق اۋرۋلاردى قوزدىرۋى مۇمكىن ەكەنىن ايتتى.

زەرتتەۋ جۇمىسى medRxiv پورتالىندا جاريالاندى، - دەپ حابارلايدى ريا نوۆوستي اگەنتتىگى.

برازيليا عالىمدارى SARS- CoV-2 استروتسيتتەرگە - ورتالىق جۇيكە جۇيەسىنىڭ جاسۋشالارىنا شابۋىل جاسايتىنىن انىقتاعان. بۇل مي قىرتىسىنا ايتارلىقتاي زاقىم كەلتىرىپ، سالدارىنان دەنە مۇشەسىنىڭ ءبىر بولىگى جانسىزدانىپ قالۋى مۇمكىن ەكەن.

ماماندار مۇنداي وزگەرىس كوروناۆيرۋستىڭ اۋىر تۇرىمەن عانا ەمەس، جەڭىل تۇرىمەن اۋىرعان ناۋقاستاردا بايقالعانىن انىقتاعان.

عالىمدار الىنعان مالىمەتتەر ۆيرۋس جۇقتىرعان ناۋقاستاردىڭ باسى نەگە اۋىراتىنىن، دەنەسى نەگە قۇرىساتىنىن، ءيىس سەزۋ قابىلەتى نەگە بىرنەشە ايعا جوعالاتىنىن تۇسىندىرۋگە مۇمكىندىك بەرەتىنىن ايتادى.

زەرتتەۋ جۇمىسىنىڭ مالىمەتىنشە، SARS- CoV-2 شيزوفرەنيا، پاركينسون جانە التسگەيمەر سىندى گەنەتيكالىق اۋرۋلاردى قوزدىرۋى ىقتيمال ەكەنىن كورسەتكەن.

الداعى ۋاقىتتا عالىمدار COVID-19 ۆيرۋسىنىڭ ورتالىق جۇيكە جۇيەسىنە قالاي جەتەتىنىن انىقتاۋدى كوزدەپ وتىر.