قىتايدا ش ى ۇ حالىقارالىق ساۋدا- ينۆەستيتسيالىق جارمەڭكەسى وتەدى
دەپ حابارلايدى قازاقپارات ءتىلشىسى كورمەنىڭ ۇيىمداستىرۋشى كوميتەتىنە سىلتەمە جاساپ.
شارا اياسىندا تۇڭعىش رەت ش ى ۇ- عا مۇشە- مەملەكەتتەر مەن قىتايدىڭ چيڭداۋ ىنتىماقتاستىق ۇيىمى ەسىگىن ايقارا اشادى. ول ۇيىم ونىمدەردى تانىستىرىپ، ساۋدا- ينۆەستيتسيالىق كەلىسسوزدەر مەن روۋد- شوۋلاردى وتكىزەتىن كوپ فۋنكسيالى الاڭعا اينالادى. حالىقارالىق ساۋدا- ينۆەستيتسيالىق جارمەڭكەنى وتكىزۋ بارىسىندا قارجى، اۋىل شارۋاشىلىعى، مادەنيەت پەن تۋريزم، جەڭىل ونەركاسىپ پەن حالىق قولونەرىنىڭ تاۋارلارى مەن قىزمەتتەرى تانىستىرىلادى. كورمەگە قىتايلىق جانە شەتەلدىك، سونىڭ ىشىندە قازاقستاندىق 600-گە تارتا كومپانيا قاتىسادى.
ەسكە سالا كەتسەك ش ى ۇ - 2001 -جىلى قازاقستان، قىتاي، قىرعىزستان، رەسەي، تاجىكستان جانە وزبەكستاننىڭ قاتىسۋىمەن قۇرىلعان، تۇراقتى جۇمىس ىستەيتىن حالىقارالىق ۇيىم. ونىڭ قۇرىلۋىنا «شاڭحاي بەستىگى» مەحانيزمى تۇرتكى بولعان ەدى. 2017 -جىلى ش ى ۇ- عا مۇشە مەملەكەت مارتەبەسى ءۇندىستان مەن پاكىستانعا بەرىلدى. ش ى ۇ شەڭبەرىندە 2006 -جىلدان بەرى ۇيىمعا مۇشە مەملەكەتتەردىڭ ىسكەرلىك كەڭەسى جۇمىس ىستەپ كەلەدى.
سۋرەت سينحۋا اگەنتتىگىنەن الىندى
اۆتور: ايان بەكەن ۇلى
