قازاقستاندا شەتەلدىكتەردى جۇمىسقا تارتۋعا رۇقسات بەرۋ ەرەجەلەرى وزگەردى

نۇر-سۇلتان. قازاقپارات - قازاقستاندا جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ نەمەسە ۇزارتۋ، سونداي-اق كورپوراتيۆىشىلىك اۋىستىرۋدى جۇزەگە اسىرۋ قاعيدالارى مەن شارتتارىنا وزگەرىستەر مەن تولىقتىرۋلار ەنگىزىلدى.

ەڭبەك جانە حالىقتى الەۋمەتتىك قورعاۋ ءمينيسترىنىڭ ءتيىستى بۇيرىققا قول قويدى، دەپ حابارلادى zakon.kz.

اتاپ ايتقاندا، ماۋسىمدىق شەتەلدىك جۇمىسكەرلەردى تارتۋعا رۇقسات بەرۋ «حالىقتى جۇمىسپەن قامتۋ تۋرالى» زاڭعا سايكەس ايقىندالاتىن كاسىپتەر تىزبەسى بويىنشا جۇزەگە اسىرىلادى.

شەتەلدىك جۇمىس كۇشىن تارتۋعا رۇقسات كەلەسى مەرزىمگە بەرىلەدى:

ءبىرىنشى سانات ءۇشىن - رۇقسات مەرزىمىن ءبىر، ەكى نەمەسە ءۇش جىلعا ۇزارتۋ قۇقىعىمەن، جۇمىس بەرۋشىنىڭ ءوتىنىشى نەگىزىندە ءبىر، ەكى نەمەسە ءۇش جىلعا؛

ەكىنشى جانە ءۇشىنشى ساناتتار ءۇشىن – 12 ايعا، 12 اي مەرزىمگە ۇزارتۋمەن، ءبىراق ءۇش ەسەدەن ارتىق ەمەس؛

ءتورتىنشى سانات ءۇشىن - ۇزارتۋ قۇقىعىنسىز 12 ايعا؛

ماۋسىمدىق شەتەلدىك جۇمىسكەرلەر ءۇشىن - ۇزارتۋ قۇقىعىنسىز كۇنتىزبەلىك 90، 180، 270، 365 كۇنگە دەيىن.

بۇل رەتتە شەتەلدىك جۇمىس كۇشىن تارتۋعا رۇقسات مىناداي جاعدايلاردا ۇزارتىلمايدى:

بولىنگەن كۆوتا مولشەرىنەن اسىپ كەتسە؛

جۇمىس بەرۋشىنىڭ قاعيدالاردىڭ 16-تارماعىندا بەلگىلەنگەن شارتتاردى ساقتاماۋى؛

ءتورتىنشى سانات بويىنشا شەتەلدىك جۇمىس كۇشىن اۋىستىرۋ جونىندەگى مىندەتتەمەلەردى ورىنداماۋ؛

جۇمىس بەرۋشىنىڭ شەتەلدىك جۇمىسكەرلەردى رۇقساتسىز تارتۋ، سونداي- اق شەتەلدىك جۇمىسكەردى رۇقساتتا كورسەتىلگەن كاسىپكە نەمەسە ماماندىققا سايكەس كەلمەيتىن كاسىپ نەمەسە ماماندىق بويىنشا تارتۋ فاكتىسىن انىقتاۋ. مۇنداي جاعدايلاردا رۇقساتتار وسىنداي فاكتى انىقتالعان كۇننەن باستاپ 12 اي ىشىندە ۇزارتىلمايدى.

بۇيرىق 2021 -جىلعى 1-قاڭتاردان باستاپ قولدانىسقا ەنگىزىلەدى.