ۇلتتىق قورداعى التىن ۇلەسىنىڭ كوپتىگى ءوزىن ءوزى اقتايدى - ۇلتتىق بانك

الماتى. قازاقپارات - ق ر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا التىن قۇنىنىڭ التىن ۆاليۋتالىق رەزەرۆكە قالاي ىقپال ەتەتىنىن ءتۇسىندىردى، دەپ حابارلايدى قازاقپارات ءتىلشىسى.

وتكەن ايدا التىن باعاسى 73 دوللارعا نەمەسە %3,7 عا كەمىدى، بۇل التىن ۆاليۋتا رەزەرۆتەرى كولەمىنىڭ تومەندەۋىنە اسەر ەتتى.

«قىركۇيەكتە رەزەرۆتەر 35,4 دوللاردان 33,8 گە دەيىن قىسقاردى. التىن پورتفەلى شامامەن 800 ميلليون دوللارعا ازايدى. رەزەرۆتەر تومەندەۋىنە باسقا دا فاكتورلار ىقپال ەتتى. ەكىنشى دەڭگەيلى بانكتەردىڭ ۇلتتىق بانكتەگى شوتتارىندا ۇستايتىن قاراجاتىنىڭ 450 ميلليون دوللارعا ازايۋى، 232 ميلليون دوللارعا ينتەرۆەنسيا جۇرگىزۋ، سونداي-اق 100 ميلليون دوللار سىرتقى بورىشتى تولەۋ اسەر ەتتى»، - دەدى ءاليا مولدابەكوۆا.

التىن ۆاليۋتا رەزەرۆتەرىنىڭ 2/3 سى التىننىڭ ەنشىسىندە.

«اعىمداعى نارىقتىق جاعدايلاردا، پورتفەلدە التىننىڭ جوعارى ۇلەسى ءوزىن اقتايدى جانە رەزەرۆتەردىڭ ساقتالۋىن قامتاماسىز ەتەدى دەپ ەسەپتەيمىز»، - دەدى سپيكەر.

اۆتور: گۇلميرا عوسمانالي