ابايدىڭ «قارا سوزدەرى» العاش رەت سلوۆاك تىلىندە جارىق كوردى

براتيسلاۆا. قازاقپارات - قازاقستان ەلشىلىگى ق ر ۇلتتىق اكادەميالىق كىتاپحاناسىمەن بىرلەسىپ، ابايدىڭ العاش رەت سلوۆاك تىلىنە اۋدارىلعان «قارا سوزدەرىنىڭ» ونلاين- تۇساۋكەسەرىن وتكىزدى، دەپ حابارلايدى قازاقپارات سىرتقى ىستەر مينيسترلىگىنە سىلتەمە جاساپ.

ۇلكەن قاشىقتىق اباي شىعارماشىلىعىن باعالاۋشىلار ءۇشىن كەدەرگى بولعان جوق. ۇلى قازاق فيلوسوفى مەن اعارتۋشىسىنىڭ 175 جىلدىق مەرەيتويىنا ورايلاستىرىلعان ونلاين- ءىس- شارا ەكى ەلدىڭ اكادەميالىق توپتارى مەن شىعارماشىلىق زيالى قاۋىم وكىلدەرىنىڭ باسىن قوستى. ءىس- شارانى اشقان قازاقستان ەلشىسى رومان ۆاسيلەنكو ابايدىڭ «قارا سوزدەرى» قازاق جانە الەم ادەبيەتىنىڭ دامۋى مەن قالىپتاسۋىنا ولشەۋسىز ۇلەس قوسقانىن اتاپ ءوتتى.

«قازاق تىلىنەن اۋدارعاندا بۇل اتاۋ ءوزىنىڭ تەرەڭ فيلوسوفيالىق ماعىناسى بار جانە ونىڭ دانالىق سوزدەرىنىڭ سىني، ءتىپتى ءوزىن- ءوزى سىني سيپاتىن كورسەتەتىن «قارا سوزدەر» دەگەندى بىلدىرەدى. پرەزيدەنت قاسىم- جومارت توقايەۆ «اباي جانە 21 -عاسىرداعى قازاقستان» اتتى ماقالاسىندا بۇل تۋرالى، سونداي- اق اباي شىعارماشىلىعىنىڭ قازىرگى قازاقستان ءۇشىن نەنى بىلدىرەتىنى تۋرالى وتە انىق ايتقان بولاتىن. بۇل كىتاپتى باسىپ شىعارۋ سلوۆاكتارعا قازاقتاردىڭ تاريحى مەن قازىرگى قازاقستاندى جاقسىراق تۇسىنۋگە مۇمكىندىك بەرەدى جانە ءبىزدىڭ ەكى حالقىمىز بەن ەكى ەلىمىزدى ودان دا جاقىنداتادى دەپ ۇمىتتەنەمىز»، − دەدى قازاقستاندىق ديپلومات.

شىعارما الەمنىڭ كوپتەگەن تىلدەرىنە اۋدارىلعان جانە سلوۆاك وقىرماندارىنا العاش رەت ۇسىنىلىپ وتىر. جاڭا كىتاپ سلوۆاك جوعارى وقۋ ورىندارىنىڭ كىتاپحانا قورىنا جانە سلوۆاكيانىڭ قوعامدىق كىتاپحانالارىنا جىبەرىلەدى. شاراعا براتيسلاۆاداعى ەكونوميكا ۋنيۆەرسيتەتىنىڭ پروفەسسورى، بۇرىن ءبىلىم جانە عىلىم مينيسترلىگىنىڭ مەملەكەتتىك حاتشىسى بولعان جانە سلوۆاكيانىڭ پارلامەنتىندە قازاقستانمەن دوستىق توبىنىڭ مۇشەسى ولگا ناحتمانوۆا جانە اۋدارمانىڭ اۆتورى، فيلولوگيا عىلىمدار كانديداتى كاتارينا سترەلكوۆا قاتىستى.

قازاقستاندىق تاراپتان پرەزەنتاتسياعا قازاقستان رەسپۋبليكاسى ۇلتتىق اكادەميالىق كىتاپحاناسىنىڭ باسشىسى ءۇمىتحان مۇڭالبايەۆا، اقىن، قازاقستان جازۋشىلارى وداعىنىڭ ءتوراعاسى ۇلىقبەك ەسداۋلەت؛ م. اۋەزوۆ اتىنداعى ادەبيەت جانە ونەر ينستيتۋتىنىڭ دوكتورى، قازاقستاننىڭ ەڭبەك سىڭىرگەن قايراتكەرى، فيلولوگيا عىلىمداردىڭ دوكتورى سۆەتلانا ۆيكتوروۆنا انانيەۆا اتسالىستى.

اباي قۇنانباي ۇلىنىڭ شىعارمالارى قازاق جانە الەم ادەبيەتىنىڭ كلاسسيكاسىنا اينالدى. ۇلى قازاق ويشىلدىڭ «قارا سوزدەر» اتتى ەڭ جارقىن تۋىندىسى 45 وسيەت اڭگىمەدەن نە فيلوسوفيالىق تراكتاتتان تۇرادى. «قارا سوزدەر» - وقىرمانعا ۇندەۋ، ونىمەن سىرلاسۋ ءتارىزدى سۇحبات جانە حالىقتىڭ تاعدىرى اياسىندا بولەك ءبىر ادامنىڭ ومىرىندەگى فيلوسوفيا.