تاشكەنتتە «اباي ءۇيى» قازاق مادەني- ىسكەرلىك ورتالىعى اشىلدى

تاشكەنت. قازاقپارات - تاشكەنت قالاسىندا «اباي ءۇيى» قازاق مادەني- ىسكەرلىك ءۇيىنىڭ سالتاناتتى اشىلۋى ءوتتى. بۇل تۋرالى قازاقپارات اقپارات جانە قوعامدىق دامۋ مينيسترلىگىنە سىلتەمە جاساپ حابارلايدى.

1-قازان كۇنى «وتانداستار قورى» ك ە ا ق دۇنيەجۇزى قازاقتارى قاۋىمداستىعىمەن بىرلەسىپ، ق ر اقپارات جانە قوعامدىق دامۋ، ق ر سىرتقى ىستەر مينيسترلىكتەرىنىڭ قولداۋىمەن ونلاين- فورماتتا تاشكەنت قالاسىندا (وزبەكستان) «اباي ءۇيى» قازاق مادەني- ىسكەرلىك ءۇيىنىڭ سالتاناتتى اشىلۋىن وتكىزدى. ءىس- شاراعا ق ر اقپارات جانە قوعامدىق دامۋ مينيسترلىگىنىڭ ەتنوسارالىق قاتىناستاردى دامىتۋ كوميتەتى ءتوراعاسىنىڭ ورىنباسارى ەركىن ۇيسىمبايەۆ، ق ر سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ كەڭەسشىسى باۋىرجان توققۇلوۆ، «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ، وزبەكستانداعى قازاق مادەني ورتالىعىنىڭ ءتوراعاسى سەرىكباي ۇسەنوۆ، قازاقستاننىڭ وزبەكستانداعى ەلشىلىگىنىڭ كەڭەسشىسى رۋسلان دۇيسەنوۆ، سونداي- اق وزبەكستانداعى قازاق قاۋىمىنىڭ وكىلدەرى جانە ت. ب. قاتىستى.

ءىس- شارا اياسىندا «اباي ءۇيى» قازاق مادەني- ىسكەرلىك ءۇيىنىڭ تۇساۋكەسەرى ءوتتى، سونداي- اق وزبەكستانداعى قازاق قوعامداستىعىنىڭ مادەني، ىسكەرلىك جانە ءبىلىم بەرۋ قىزمەتىن قولداۋعا باعىتتالعان بىرلەسكەن جوبالاردى ىسكە اسىرۋ ماسەلەلەرى تالقىلاندى. «وتانداستار قورى» ك ەا ق شەتەلدە «اباي ءۇيى» قازاق مادەني- ىسكەرلىك ۇيلەرىنىڭ جەلىسىن اشۋ جۇمىسىن جالعاستىرۋدا. وتكەن اپتادا ومبى قالاسىندا (ر ف) «اباي ءۇيى» قازاق مادەني- ىسكەرلىك ءۇيىنىڭ اشىلۋى ۇيىمداستىرىلدى. اعىمداعى جىلدىڭ سوڭىنا دەيىن بىشكەك قالاسىندا (قىرعىزستان)، بەرلين قالاسىندا (گەرمانيا)، ىستامبۇل قالاسىندا (تۇركيا) تاعى 3 «اباي ءۇيى» قازاق مادەني- ىسكەرلىك ءۇيىنىڭ اشىلۋى جوسپارلانىپ وتىر.