ۇلانباتىر مەن الماتى اراسىندا جاڭا اۋە رەيسى اشىلدى
جالعاس ادىلبايەۆ موڭعوليا ۇكىمەتىنىڭ اتقارۋشى اگەنتتىگى - ازاماتتىق اۆياتسيا باس باسقارماسى جانە «حۋننۋ ەير» اۋە كومپانياسىنىڭ باسشىلىعىمەن بىرگە اتالعان كومپانيانىڭ «ۇلانباتىر - الماتى - ۇلانباتىر» باعىتىنداعى اۋە قاتىناسىن اشۋعا ارنالعان باسپا ءسوز كونفەرەنتسياسىنا قاتىستى.
ەلشى ءوز سوزىندە قازاقستاننىڭ ەڭ ءىرى مەگاپوليسى مەن موڭعوليانىڭ استاناسى اراسىنداعى تىكەلەي اۋە قاتىناسىنىڭ اشىلۋىمەن قۇتتىقتاپ، 2019 -جىلعى 10 قازاندا نۇر- سۇلتاندا وتكەن ق ر پرەمەر- ءمينيسترى اسقار مامين مەن موڭعوليا پرەمەر- ءمينيسترى ۋحنااگيين حۋرەلسۋحتىڭ اراسىنداعى كەلىسسوزدەر بارىسىندا قول جەتكىزىلگەن وسى باعىت بويىنشا اۋە قاتىناسىن اشۋ جونىندەگى ۋاعدالاستىقتىڭ تولىق ورىندالعانىن اتاپ ءوتتى.
اتالعان جاڭا اۋە باعىتى ەكىجاقتى ساياسي، ساۋدا- ەكونوميكالىق، مادەني- گۋمانيتارلىق جانە تۋريستىك سالالارداعى بايلانىستاردىڭ قارقىندى دامۋىنا مۇمكىندىك بەرەتىنى ايتىلدى. بۇگىن «حۋننۋ ەير» اۋە كومپانياسىنىڭ ۇشاعى «ۇلانباتىر - الماتى - ۇلانباتىر» باعىتى بويىنشا العاشقى رەپاترياتسيالىق رەيستى ورىندادى. Covid-19 سالدارىنان تۋىنداعان الەمدەگى ەپيدەميولوگيالىق جاعداي جاقسارعاننان كەيىن ۇشۋدىڭ ناقتى جيىلىگى بەلگىلەنەدى.
