ماۋلەن اشىمبايەۆ باس ءمۇفتي مەن پراۆوسلاۆ شىركەۋىنىڭ قازاقستانداعى جەتەكشىسىمەن كەزدەستى
كەزدەسۋ بارىسىندا ءدىنارالىق ديالوگتى دامىتۋ جانە ەلىمىزدە قوعامدىق كەلىسىمدى نىعايتۋ ماسەلەلەرى تالقىلاندى. ماۋلەن اشىمبايەۆ قازاقستاننىڭ ەل ىشىندە جانە جاھاندىق دەڭگەيدە ءدىنارالىق ديالوگ يدەياسىن ىلگەرىلەتۋگە باسا ءمان بەرىپ وتىرعانىن اتاپ ءوتتى. سەنات ءتوراعاسى الداعى ۋاقىتتا سەزد حاتشىلىعىنىڭ جۇمىسى ءدىني بىرلەستىكتەر وكىلدەرىنىڭ سىندارلى بايلانىسىن نىعايتۋعا باعىتتالاتىنىنا سەنىم ءبىلدىردى. سەنات ءتوراعاسى مەشىت قىزمەتكەرلەرىنىڭ پاندەميا كەزىندە ازاماتتارىمىزعا قولداۋ كورسەتكەنىن تىلگە تيەك ەتتى. اتاپ ايتقاندا، سىن ساعاتتا قايىرىمدى ىستەر ۇيىمداستىرىپ، مۇقتاج وتباسىلارعا كومەك قولىن سوزعان ءدىني باسقارمانىڭ بەلسەندى جۇمىسىنا ەرەكشە نازار اۋداردى. سونداي- اق، تاراپتار ەلىمىزدە قوعامدىق كەلىسىمدى نىعايتۋدىڭ جانە ءتۇرلى كونفەسسيا وكىلدەرى اراسىندا ءتيىمدى بايلانىس ورناتۋدىڭ ماڭىزىنا توقتالدى. سونىمەن قاتار ماۋلەن اشىمبايەۆ ورىس پراۆوسلاۆ شىركەۋىنىڭ قازاقستانداعى جەتەكشىسى، استانا جانە قازاقستان ءميتروپوليتى الەكساندرمەن كەزدەسۋ وتكىزدى. ماۋلەن اشىمبايەۆ پراۆوسلاۆ شىركەۋى قازاقستاندا قوعامنىڭ رۋحاني دامۋى جولىندا ۇلكەن جۇمىس جۇرگىزىپ جاتقانىن اتاپ ءوتتى.
سەنات ءتوراعاسى بيىل قازاقستاننىڭ پراۆوسلاۆ شىركەۋى بۇكىل پراۆوسلاۆ الەمىنە تانىمال اعاش ساۋلەت ونەرىنىڭ جاۋھارى بولىپ سانالاتىن ۆوزنەسەنسك كافەدرالدى شىركەۋىنىڭ ورالعانىنا 25 -جىل تولۋىن اتاپ وتەتىنىن ەسكە سالدى.
شىركەۋ تاريحي- مادەني ەسكەرتكىش مارتەبەسىنە يە، قازاقستاننىڭ كيەلى جەرلەرىنىڭ تىزىمىنە ەنگىزىلگەن جانە الماتىنىڭ كورىكتى عيماراتتارىنىڭ ءبىرى بولىپ ەسەپتەلەدى. الەمدىك جانە ءداستۇرلى دىندەر ليدەرلەرى سەزىنىڭ قورىتىندىلارىن ىسكە اسىرۋ جۇمىستارىنا قاتىستى پىكىر الماسۋ جۇرگىزىلدى، سونداي- اق ەلىمىزدە كونفەسسياارالىق كەلىسىم يدەيالارىن ودان ءارى ىلگەرىلەتۋ ماسەلەلەرى تالقىلاندى.
