موڭعوليادا قازاق كينوسىنىڭ كۇندەرى وتەدى
كەزدەسۋ بارىسىندا قازاقستان ەلشىسى س. ناتساگدولگورعا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ «جاڭا جاعدايداعى قازاقستان: ءىس-قيمىل كەزەڭى» جولداۋىنىڭ نەگىزگى اسپەكتىلەرى تۋرالى ماعلۇمات بەردى جانە جولداۋدىڭ اعىلشىن تىلىندەگى ءماتىنىن تابىستادى.
«سونىمەن قاتار، ەلشى مادەني-گۋمانيتارلىق سالاداعى ءبىرقاتار ءىس-شارالاردى، اتاپ ايتقاندا اباي قۇنانباي ۇلىنىڭ 175 جىلدىعى مەن ءابۋ ناسىر ءال-ءفارابيدىڭ 1150 جىلدىعىنا ارنالعان كەشتى ۇيىمداستىرۋ، سونداي-اق ۇلانباتىر، حوۆد جانە ولگەي قالالارىندا «قازاق كينوسىنىڭ كۇندەرىن» وتكىزۋ جونىندەگى جوسپارلار تۋرالى ايتىپ ءوتتى.
تاراپتار مادەنيەت سالاسىنداعى مامانداردى دايارلاۋ جانە ولاردىڭ بىلىكتىلىگىن ارتتىرۋ باعىتىندا ەكىجاقتى ىنتىماقتاستىقتىڭ پەرسپەكتيۆالارى، سونداي-اق مادەني-گۋمانيتارلىق بايلانىستاردى كەڭەيتۋ ماقساتىندا بىرلەسكەن شىعارماشىلىق قىزمەتتى جۇزەگە اسىرۋ مۇمكىندىكتەرى تۋرالى پىكىر الماستى»، - دەلىنگەن ق ر سىرتقى ىستەر مينيسترلىگىنىڭ مالىمەتىندە.
