دارىگەر يممۋنيتەتتى نىعايتۋدىڭ ءتيىمدى جولدارىن اتادى

الماتى. قازاقپارات - قازاقستان پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان تۇرعىندارعا يممۋنيتەتتى قالاي كوتەرۋگە بولاتىنىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، ك ۆ ي جانە تاعى باسقا ينفەكسيالاردان ساقتانۋ ءۇشىن دۇرىس تاماقتانۋ كەرەك. اسىرەسە، كوكونىستەر مەن جەمىس-جيدەكتەردى كوپ جەۋ قاجەت.

«قازىر كۇز مەزگىلى. جەمىس- جيدەك پەن كوكونىستەردىڭ ءپىسىپ جاتقان ۋاقىتى. ولاردىڭ دەنساۋلىققا پايداسى وراسان زور. اسىرەسە، الما مەن ءجۇزىمدى كوبىرەك جەڭىزدەر. ءجۇزىمنىڭ قۇرامىندا انتيوكسيدانت بار. ول وكپەنى دەرتتەن قورعايدى. سونداي-اق، قىس مەزگىلىندە كەپتىرىلگەن نەمەسە توڭازىتقىشتا ساقتالعان جەمىستەردى جەۋ ادام ازعاسى ءۇشىن وتە پايدالى. ول ءتۇرلى ينفەكسيالاردان قورعايدى»، - دەيدى الماز شارمان.

سونىمەن قاتار، ول D ۆيتامينىن الۋ دا ماڭىزدى ەكەنىن جەتكىزدى.

«قازىر اۋا رايى تاماشا. كۇن شۋاقتى بولىپ تۇر. دالادا تازا اۋادا كوبىرەك سەرۋەندەڭىزدەر. كۇن ساۋلەسىنەن D ۆيتامينىن الاسىزدار. دۇرىس ۇيىقتاۋ دا ماڭىزدى. ول يممۋنيتەتتى كوتەرەدى. سترەسكە تۇسپەۋ جاعىن ويلاڭىزدار. ول يممۋنيتەتتى تومەندەتەدى. سوندىقتان جاعىمسىز حابارلارعا كوپ ءمان بەرمەۋگە تىرىسىڭىزدار. مەن ادامزات بالاسى كوروناۆيرۋس پاندەمياسىن جەڭەدى دەگەن ۇمىتتەمىن»، - دەدى سپيكەر.

اۆتور: الما مۇقانوۆا