الماتى ەمحانالارى كوروناۆيرۋستىڭ ەكىنشى تولقىنىنا دايىندىقتى باستاپ كەتتى
«پاندەميا باستالعاننان بەرى قاۋىپتى ۆيرۋستى جۇقتىرعان ناۋقاستاردىڭ باسىم بولىگى بۇگىندە ساۋىعىپ، ۇيلەرىنە امان- ەسەن ورالدى. دەمەك، ءبىزدىڭ ەلدە كوروناۆيرۋستىق ينفەكسيامەن كۇرەستىڭ دۇرىس جولى تاڭدالدى. سونىمەن قاتار، الەمدە اۋرۋدىڭ كۇرت ءوسۋى بايقالادى. ىندەتتىڭ ەكىنشى تولقىنى باستالدى. اتاپ ايتقاندا، يتاليا، يسپانيا، گەرمانيا، تۇركيا جانە وڭتۇستىك كورەيا سياقتى ەلدەردە. ت م د ەلدەرىندە ۆيرۋستىڭ تاراۋى قازاقستانعا قاراعاندا جوعارى. وسى جاعدايدى ەسكەرە وتىرىپ، قازاقستان، بارلىق ەلدەر سياقتى، ونىڭ ىشىندە ءبىزدىڭ ەمحانامىز دا كوروناۆيرۋس ينفەكسيانىڭ بولۋى مۇمكىن ەكىنشى تولقىنىنا دايىن بولۋى كەرەك»، - دەيدى دارىگەر.
ونىڭ ايتۋىنشا، №2-قالالىق ەمحانانىڭ باس عيماراتىنان بولەك 3 فيليالى بار. ولار قالا بويىنشا 64454 استام تۇرعىنعا قىزمەت كورسەتەدى. «دۋمان» ىقشاماۋدانىندا 12 مىڭداي ادامدى قابىلدايتىن جانە «سۇلۋساي»، «كەڭساي» ىشقاماۋداندارىندا بولىمشەلەرى بار. ەمحانا سانيتارلىق نورمالارعا ساي جۇمىس ىستەپ جاتىر.
«ەمحانانىڭ قىزمەتى بارلىق سانيتارلىق- ەپيدەميولوگيالىق شارالاردى ساقتاي وتىرىپ، بەكىتىلگەن نورماتيۆتىك- قۇقىقتىق اكتىلەرگە سايكەس جۇزەگە اسىرىلادى. كىرەبەرىستە جىلۋ باقىلاۋ قۇرىلعىسى ورناتىلعان، ونى ارنايى مامان باقىلايدى. ناۋقاستاردى قابىلداۋ قاتاڭ تۇردە الدىن الا جازىلۋ ارقىلى جۇزەگە اسىرىلادى. سانيتارلىق تازارتقىشتار ەمحاناعا كىرە بەرىستە، دالىزدەردە، باسپالداق الاڭدارىندا ورناتىلعان. كەلۋشىلەردىڭ الەۋمەتتىك اراقاشىقتىعىن جانە قوزعالىس باعىتىن قامتاماسىز ەتۋ ءۇشىن ەدەن بەلگىلەرى مەن قورشاۋلار ورنالاستىرىلعان. ەمحانا «لاس» جانە «تازا» ايماقتارعا بولىنگەن. قىزمەتكەرلەر مەن ناۋقاستار ءۇشىن بولەك كىرەبەرىستەر بار»، - دەيدى سپيكەر.
سونىمەن قاتار، ول كوروناۆيرۋس ينفەكسياسىنىڭ شارىقتاۋ كەزەڭىندە ەمحانادا 12 ءموبيلدى توپ جۇمىس ىستەگەنىن تىلگە تيەك ەتتى.
«ءبىزدىڭ ەمحانادا COVID-19 اۋرۋىنىڭ ەڭ جوعارى دەڭگەيىندە 12 موبيلدى توپ جۇمىس ىستەدى. موبيلدى توپ قۇرامىنا 1 جالپى تاجىريبە دارىگەرى، 1 مەدبيكە، 1 لابورانت، 1 پسيحولوگ، 1 الەۋمەتتىك قىزمەتكەر كىردى. قازىر ەمحاناداعى جاعداي تۇراقتى، دارىگەرلەردىڭ باقىلاۋىندا كوروناۆيۋرس جۇقتىرعان ءۇش ناۋقاس قانا بار. سوندىقتان 5 موبيلدى توپ جۇمىس ىستەپ جاتىر. وعان قوسا كولل- ورتالىق ىسكە قوسىلعان. موبيلدى توپتىڭ ءىس- قيمىل الگوريتمى كەلەسىدەي: call-ورتالىققا قوڭىراۋ تۇسسە، نەمەسە ناۋقاس ەمحاناعا جۇگىنسە، قوڭىراۋ موبيلدى توپقا اۋىسادى، ول COVID-19 عا كۇدىكتىنى جاعدايدى تەكسەرۋ پاراعى بويىنشا انىقتايدى، قاجەت بولعان جاعدايدا شاقىرتۋعا بارادى، وقشاۋلاۋ شارتتارىن انىقتايدى، قاجەت بولسا يمپۋلستىك وكسيمەترلەرمەن جانە ءدارى- دارمەكتەرمەن قامتاماسىز ەتەدى، تاۋلىك بويعى ستاتسيونارعا گوسپيتاليزاتسيالاۋ ءۇشىن COVID-19 كوروناۆيرۋستىق ينفەكسياسى بار ناۋقاستىڭ جاعدايىن ۋاقتىلى باعالايدى.
ولار ۋچاسكەلىك دارىگەرگە نەمەسە مەيىربيكەگە پاتسيەنتتى قاراۋ ناتيجەلەرى تۋرالى حابارلايدى، قاجەت بولعان جاعدايدا ەمدەۋ جوسپارىن تۇزەتە وتىرىپ، ولارعا ودان ءارى قاشىقتىقتان باقىلاۋ جۇرگىزۋ ءۇشىن اقپاراتتى جانە مەديتسينالىق قۇجاتتاردى بەرەدى»، - دەيدى ول.
سونىمەن قاتار، ول الداعى كۇز، قىس، كوكتەم ايلارىندا ينفەكسيانىڭ جاڭا تولقىنى بولۋى مۇمكىن دەگەن بولجام جاسالعانىن ايتتى. بۇل كەزدە ادەتتەگىدەي سۋىق تيۋ، باكتەريالدى ينفەكسيا، تۇماۋ مەن پنيەۆمونيا اۋرلارى بەلەڭ الاتىن كورىنەدى.
«پاندەمياعا بايلانىستى وسى ارالىق قاۋىپتى بولۋى مۇمكىن. سوندىقتان بارلىق مەديتسينالىق ۇيىمداردا دايىندىق جۇمىستارى جۇرگىزىلىپ، تۇماۋدىڭ الدىنا الۋ بويىنشا ەكپە سالىنۋدا. ول بىرىنشىدەن وسال توپتارعا سالىنادى، ولار ءجيى اۋىراتىن 18 جاسقا دەيىنگى بالالار، سوزىلمالى اۋرۋى بار تۇلعالار، جۇكتى ايەلدەر، 60 جاستان اسقان ەرەسەكتەر، سونىمەن قاتار بالالار ءۇيى، قارتتار ءۇيىنىڭ تۇرعىندارى بار»، - دەيدى نۇريا قالمۇراتوۆا.
كوروناۆيرۋستىڭ ەكىنشى تولقىنىنا دايىندىق بارىسىندا ماۋسىم ايىنىڭ 15 ى مەن شىلدەنىڭ 15 ى ارالىعىنداعى جاعدايعا مونيتورينگ جاسالعان. وسى ارالىقتا كوروناۆيرۋسپەن اۋىرعاندار ەڭ كوپ تىركەلگەن.
«مۇنداي مونيتورينگتىڭ پايداسىنا كەلسەك، ول قاجەت كەزىندە قانشا كادر تارتۋ كەرەكتىگىن جانە نەگىزگى ءدارى- دارمەك قورىن جاساۋعا مۇمكىندىك بەرەدى. سونداي-اق كوروناۆيرۋس اۋرۋى كەزىندە ارەكەت ەتۋ الگوريتمى ازىرلەندى. وعان قوسا كوروناۆيرۋس اۋرۋىنىڭ الدىن الۋ جونىندەگى اقپاراتتىق ەسكەرتپەلەردى تاراتىپ جاتىرمىز»، - دەيدى ن. قالمۇراتوۆا.
