الەمدەگى احۋال: كوروناۆيرۋس جۇقتىرۋدىڭ تاۋلىكتىك رەكوردى تىركەلدى

جەنەۆا. قازاقپارات - دۇنيەجۇزىلىك دەنساۋلىق ساقتاۋ ۇيىمى وتكەن تاۋلىكتە كوروناۆيرۋس جۇقتىرۋ جاعدايلارىنىڭ ەڭ كوپ سانىن تىركەدى، دەپ حابارلايدى قازاقپارات ۇيىمنىڭ رەسمي سايتىنا سىلتەمە جاساپ.

ءبىر تاۋلىكتە ىندەتكە شالدىعۋشىلار سانى 308 مىڭعا ارتتى. بۇل - پاندەميا كەزەڭىندەگى ەڭ كوپ تاۋلىكتىك ءوسىم كورسەتكىشى. الەمدە اۋرۋ جۇقتىرۋ جاعدايلارىنىڭ جالپى سانى 28,6 ميلليونعا جەتتى. كوروناۆيرۋس ينفەكسياسىنان كوز جۇمعاندار سانى 5,6 مىڭعا ارتىپ، 917417 گە جەتتى. ا ق ش ىندەتكە شالدىققاندار جانە ۆيرۋستان قايتىس بولعاندار سانى بويىنشا الەمدە كوش باستاپ تۇر. مۇندا 6,3 ميلليون ادام كوروناۆيرۋس جۇقتىرسا، 191 مىڭنان استام ادام كوز جۇمعان. اۋرۋ جۇقتىرعاندار سانى بويىنشا ەكىنشى ورىندا تۇرعان ءۇندىستاندا 4,6 ميلليوننان استام ادام ىندەتكە شالدىققان. مۇندا كوروناۆيرۋستان 78,5 مىڭ ادام قايتىس بولعان. برازيليا راستالعان جاعدايلار سانى بويىنشا ءۇشىنشى ورىندا. مۇندا اۋرۋ جۇقتىرۋدىڭ 4,2 ميلليون جاعدايى تىركەلگەن. برازيليادا 130 مىڭنان استام ادام كوروناۆيرۋستان كوز جۇمعان.