عالىمدار كوروناۆيرۋس جۇقتىرۋدان قورعانۋدىڭ جولىن تاپتى

نۇر-سۇلتان. قازاقپارات - عالىمدار نانودەنەنى شىعارۋ جولىن قاراپايىم دەپ ءتۇسىندىرىپ، ونى ادامدارعا بەيىمدەۋ مۇمكىندىگىن جوققا شىعارمايدى .

عالىمدار كوروناۆيرۋس ينفەكسياسىنىڭ جاسۋشاعا ەنۋىنە توسقاۋىل قويا الاتىن نانودەنەلەر ويلاپ تاپتى. زەرتتەۋ ناتيجەلەرى Nature Communications جۋرنالىندا جاريالاندى، دەپ حابارلايدى ريا نوۆوستي.

شۆەتسياداعى كارولينسك ۋنيۆەرسيتەتىنىڭ ماماندارى الپاكا جانۋارىنا تىكەندى اقۋىز سالعان، ونىڭ كومەگىمەن كوروناۆيرۋس اعزانىڭ جاسۋشالارىنا ەنەدى. ال 60 كۇننەن كەيىن جانۋاردىڭ قان ۇلگىسىن زەرتتەۋ ناتيجەسى كۇشتى يممۋندىق جۇيە قالىپتاسقانىن كورسەتكەن.

سودان سوڭ عالىمدار جانۋاردىڭ ۆ-ليمفوتسيتتەرىنەن تۇراتىن نانودەنەلەردىڭ تىزبەگىن كلونداپ، زەرتتەيدى.

ناتيجەسىندە، عالىمدار ACE2 رەتسەپتورىمەن بايلانىسقاندا ونىڭ تىكەندى اقۋىز بولىكتەرىنە جابىساتىن جانە ۆيرۋستىڭ اعزا جاسۋشالارىنا ەنۋىنە جول بەرمەيتىن Ty1 نانودەنەلەرىن انىقتادى.

ايتا كەتەيىك، جاڭا تابىلعان نانودەنەلەر ادەتتەگى انتيدەنەلەرگە قاراعاندا كولەمى جاعىنان الدەقايدا كىشى. سولاي دەسەك تە، عالىمدار ونىڭ شىعارۋ جولىن قاراپايىم دەپ ءتۇسىندىرىپ، ادامدارعا بەيىمدەۋ مۇمكىندىگىن جوققا شىعارمايدى.