الەم تۇرعىندارى ۆاكسيناتسيالاۋعا قالاي قارايدى - زەرتتەۋ
بۇل تۋرالى قازاقپارات تاسس سايتىنا سىلتەمە جاساپ حابارلايدى.
دۇنيەجۇزىلىك COVID-19 پاندەمياسى باستالعانعا دەيىنگى سوڭعى بەس جىل ىشىندە كوپتەگەن ەلدەر تۇرعىندارىنىڭ ۆاكسيناعا قاتىستى پىكىرى قالاي وزگەرگەنى تۋرالى العاشقى اۋقىمدى زەرتتەۋ جۇرگىزىلدى.
اتالمىش زەرتتەۋدى لوندوننىڭ گيگيەنا جانە تروپيكالىق مەديتسينا مەكتەبىنىڭ (LSTHM) پروفەسسورى حايدي لارسوننىڭ جەتەكشىلىگىمەن دارىگەرلەر مەن الەۋمەتتانۋشىلار توبى جاسادى. وسى زەرتتەۋ اياسىندا عالىمدار 149 ەلدە 284 مىڭنان استام رەسپوندەنتكە ساۋالناما جۇرگىزدى. ولار ۆاكسينالاردى قاۋىپسىز، ءتيىمدى دەپ ساناي ما جانە ادامزاتتىڭ ءومىر ءسۇرۋى ءۇشىن ماڭىزدى ما دەگەن ءۇش سۇراققا جاۋاپ بەردى.
وسى ساۋالنامالاردىڭ ناتيجەلەرىن بىرىكتىرە وتىرىپ، عالىمدار ادامزاتتىڭ ۆاكسينا تيىمدىلىگىنە، قاۋىپسىزدىگىنە جانە ماڭىزدىلىعىنا دەگەن سەنىمى سوڭعى بەس جىلدا جاھاندىق دەڭگەيدە دە، الەمنىڭ ەلدەرىنىڭ دەڭگەيىندە دە ءوستى دەگەن قورىتىندىعا كەلدى. دەگەنمەن اۋعانستان، يندونەزيا، پاكىستان، فيليپپين، پولشا جانە وڭتۇستىك كورەيا سياقتى ەلدەر بۇل قاتارعا كىرمەيدى. سوڭعى ەكى جاعدايدا عالىمدار مۇنى ۇيلەستىرىلگەن جانە بەلسەندى ۆاكسيناتسياعا قارسى قوزعالىستىڭ پايدا بولۋىمەن بايلانىستىرادى.
باسقا ەلدەردە، سونىڭ ىشىندە رەسەيدە، بارلىق ءۇش كورسەتكىش ايتارلىقتاي وسكەن. جەكەلەگەن ەلدەر دەڭگەيىندە ۆاكسينالارعا ۋگاندا، بانگلادەش، يراك، ءۇندىستان، سيريا، وزبەكستان جانە افريكانىڭ ءبىرقاتار ەلدەرى سەنەدى، ال ەۋروپانىڭ كوپتەگەن ەلدەرى، سونداي-اق جاپونيا، يزرايل، قىتاي جانە رەسەيدە بۇل رەيتينگىنىڭ سوڭىندا تۇر.
اۆتور: گۇلزات اقجولوۆا
