ەۋرازيالىق دامۋ بانكى قازاقستانداعى اۋرۋحانالاردىڭ قۇرىلىسىن قارجىلاندىراتىن بولادى
كەلىسىمدى ونلاين كەزدەسۋ بارىسىندا قازاقستاننىڭ دەنساۋلىق ساقتاۋ ءمينيسترى الەكسەي سوي مەن ە د ب باسقارما ءتوراعاسى نيكولاي پودگۋزوۆ بەكىتتى، دەپ حابارلايدى قازاقپارات.
مەموراندۋم اياسىندا تاراپتار بىرنەشە باعىتتا ىنتىماقتاستىق ورناتۋعا نيەتتى:
- ە د ب مينيسترلىكتىڭ جوبالارىن قارجىلاندىرۋ، ونىڭ ىشىندە دەنساۋلىق ساقتاۋ ينفراقۇرىلىمىن جاڭارتۋعا جاردەمدەسۋ؛
- ە د ب- عا قاتىسۋشى مەملەكەتتەردە م ج ءا- باستامالاردى ىلگەرىلەتۋ ارقىلى جەكە سەكتوردى تارتۋ جانە جوبالاۋ الدىنداعى دايىندىق تەتىكتەرىن دامىتۋ.
«مەملەكەت باسشىسى قاسىم-جومارت توقايەۆتىڭ 2020-جىلعى 1- قىركۇيەكتەگى قازاقستان حالقىنا جولداۋى، سونداي-اق دەنساۋلىق ساقتاۋدى دامىتۋدىڭ 2020-2024-جىلدارعا ارنالعان مەملەكەتتىك باعدارلاماسى اياسىندا مينيسترلىك دەنساۋلىق ساقتاۋ ينفراقۇرىلىمىن جاڭارتۋدى قاراستىرۋدا. وسىعان بايلانىستى مينيسترلىك ە د ب- مەن بىرلەسىپ اتالعان باعىتتا جۇمىس باستاۋعا دايىن ەكەنىن بىلدىرەدى»، - دەدى الەكسەي سوي.
«ە د ب حالىقارالىق قارجى ۇيىمى رەتىندە ەدب قۇرالدارىن پايدالانا وتىرىپ، مينيسترلىك ىسكە اسىرىپ جاتقان جوبالارعا قاتىسۋعا جانە كومەك كورسەتۋگە مۇددەلى. ينتەگراتسيالىق مۇمكىندىكتەردى دە قولدانۋعا بولادى. ە د ب- عا قاتىسۋشى ەلدەردە مەديتسينالىق جابدىقتار جەتكىزۋشى كومپانيا، مەردىگەر، جەكە سەرىكتەستەردى ىزدەۋگە كومەكتەسۋگە، ساۋدا جانە ەكسپورت الدىنداعى قارجىلاندىرۋ قۇرالدارىن قولدانۋعا نيەتتىمىز. سەرىكتەستىك قاتىناس ۇزاق مەرزىمدى، ءتيىمدى جانە ءوزارا ءتيىمدى ىنتىماقتاستىقتى دامىتۋعا باعىتتالعان»، - دەدى ە د ب باسقارما ءتوراعاسى نيكولاي پودگۋزوۆ.
ايتا كەتەيىك، ەۋرازيالىق دامۋ بانكى (ە د ب) قاتىسۋشى مەملەكەتتەردىڭ نارىقتىق ەكونوميكاسىن دامىتۋعا، ولاردىڭ تۇراقتى ەكونوميكالىق وسۋىنە جانە ءوزارا ساۋدا-ەكونوميكالىق بايلانىستاردى كەڭەيتۋگە كومەكتەسۋ ماقساتىندا 2006-جىلعى قاڭتاردا رەسەي مەن قازاقستان قۇرعان حالىقارالىق قارجى ۇيىمى. ە د ب جارعىلىق كاپيتالى 7 ميلليارد ا ق ش دوللارىن قۇرايدى. بانككە قاتىسۋشى مەملەكەتتەر - قازاقستان، ارمەنيا، بەلارۋس، قىرعىزستان، رەسەي جانە تاجىكستان.
