رەسەي عالىمى «سپۋتنيك ۆ» ۆاكسيناسىنا قاتىستى ايتىلعان الەمدىك سىنعا تۇسىنىكتەمە بەردى
رەسەيدىڭ «سپۋتنيك V» ۆاكسيناسىن سىناۋدىڭ ەكى كەزەڭدەگى ناتيجەلەرىن The Lancet عىلىمي جۋرنالىندا جاريالاۋ - ۆاكسينا ازىرلەۋدىڭ ساپاسىن ارتتىراتىن وڭ قادام. سەيسەنبىدە تاسس تىلشىسىنە بەرگەن سۇحباتىندا ر ع ا كوررەسپوندەنت-مۇشەسى، سولتۇستىك كارولينا ۋنيۆەرسيتەتىنىڭ (ا ق ش) جانە م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ پروفەسسورى الەكساندر كابانوۆ وسىنداي پىكىر ءبىلدىردى.
«رەسەيلىك ۆاكسينا جايلى مالىمەتتەردى سىناۋعا كەلەر بولساق، بىرىنشىدەن، ناتيجەلەردى سىناۋ - قالىپتى عىلىمي پروتسەستىڭ بولىگى. اسىرەسە پاندەميا جاعدايىنداعى ۆاكسينا نەمەسە ءدارى-دارمەك سياقتى الەۋمەتتىك ماڭىزى بار جۇمىستارعا قاتىستى ايتاتىن بولسا»، - دەيدى ر ع ا كوررەسپوندەنت مۇشەسى.
«ەكىنشىدەن، بۇل رەسەيگە، ۆاكسيناعا نەمەسە عالىمدارعا قارسى باعىتتالعان سىن ەمەس. مىسالى، ءۇش اي بۇرىن، ەكى جۋرنالدان، سونىڭ ىشىندە وسى The Lancet جۋرنالىنان امەريكالىق عالىمداردىڭ ماقالالارى الىنىپ تاستالعان ەدى. سەبەبى ناتيجەلەر سىنعا ۇشىراعان جانە ماقالا اۆتورلارى ءدارى-دارمەكتى كوروناۆيرۋستى ەمدەۋدە قولدانۋ تۋرالى العاشقى مالىمەتتەردى بەرۋدەن باس تارتقان»، - دەدى عالىم.
«ۇشىنشىدەن، سىن ايتۋ - ناتيجە دۇرىس ەمەس دەگەندى بىلدىرمەيدى. مۇنى سىنشىلار دا ايتىپ وتىر. ولار باستاپقى ساندىق دەرەكتەرسىز رەسەي ۆاكسيناسى تۋرالى ماقالاداعى مالىمەتتەردىڭ سەنىمدىلىگى جونىندە قورىتىندى جاساۋ مۇمكىن ەمەس ەكەنىن اتاپ ءوتتى»، - دەپ ءتۇسىندىردى كابانوۆ.
«گامالەيا ينستيتۋتىندا جاسالعان رەسەيلىك ۆاكسينا ءساتتى بولادى دەپ ۇمىتتەنەمىن. وسىعان بايلانىستى مەن ونى ازىرلەۋشىلەرگە، سونداي-اق كوروناۆيرۋسقا قارسى سەنىمدى جانە قاۋىپسىز ۆاكسينانى قاجەت ەتەتىن بارلىق رەسەي ازاماتتارىنا ساتتىلىك تىلەيمىن»، - دەدى عالىم.
اۆتور: گۇلزات اقجولوۆا
