قىتايعا اۋىل شارۋاشىلىعى ونىمدەرىنىڭ ەكسپورتى ءۇشىن ش ق و مەن «قورعاستا» زەرتحانالار اشىلادى
جيىندا قازاقستاندىق اۋىل شارۋاشىلىعى ونىمدەرىنىڭ ەكسپورتىن جەڭىلدەتۋ جولدارى قاراستىرىلدى، دەپ حابارلايدى قازاقپارات.
ءىس-شارا بارىسىندا ق ر اۋىل شارۋاشىلىعى مينيسترلىگىنىڭ وكىلدەرى قازاقستاندىق اۋىل شارۋاشىلىعى تاۋارلارىن وندىرۋشىلەردى ۆەدومستۆانىڭ كەپىلدىگىمەن قىتايعا ەكسپورتتاۋعا قۇقىعى بار «كاسىپورىندار» تىزىمىنە ەنگىزۋ ماسەلەسىن تالقىلادى.
سونىمەن قاتار، شىعىس قازاقستان وبلىسىندا ق ح ر باس كەدەن باسقارماسىنىڭ تالاپتارى بويىنشا اككرەديتتەلگەن اۋىل شارۋاشىلىعى ونىمدەرىنىڭ ساپاسى مەن قاۋىپسىزدىگىن باقىلاۋ جونىندەگى زەرتحانانى اشۋ، سونداي-اق «قورعاس» شەكارا ماڭى ىنتىماقتاستىعى حالىقارالىق ورتالىعى (ش ى ح و) اۋماعىندا قىتاي ەلى اتتەستاتتاعان زەرتحاناسى بار ۆەتەريناريالىق جانە فيتوسانيتاريالىق بەكەتتەردى قۇرۋ تۋرالى ۇسىنىستار قارالدى. مۇنداي نىسانداردىڭ جۇمىسى قازاقستاندىق اۋىل شارۋاشىلىعى ونىمدەرىنىڭ شەكارالىق باقىلاۋ ارقىلى ءوتۋىن جەڭىلدەتۋگە جانە جەدەلدەتۋگە مۇمكىندىك بەرەدى.
سونداي-اق، اۋىل شارۋاشىلىعى مينيسترلىگى سالقىنداتىلعان ەتكە، سۋبونىمدەرگە جانە ق ر- دان ق ح ر- عا ەكسپورتتالاتىن اۋىل شارۋاشىلىعى ونىمدەرىنىڭ باسقا تۇرلەرىنە قويىلاتىن ۆەتەريناريالىق-سانيتاريالىق تالاپتاردى قاراۋ جانە كەلىسۋ راسىمدەرىن جەدەلدەتۋدى ۇسىندى.
ق ح ر شىڭجاڭ-ۇيعىر اۆتونوميالىق اۋدانىنىڭ كەدەن باسقارماسى ءوز كەزەگىندە قازاقستاننان كەلەتىن جىلقىلاردىڭ اۋرۋلارىن انىقتايتىن زەرتحانالىق دياگنوستيكالاۋ جۇيەسى بويىنشا ىنتىماقتاستىقتى دامىتۋدى ۇسىندى.
