قازاقستان مەن ا ق ش ۆەتەريناريا ماماندارىن وقىتۋ ماسەلەسىن تالقىلادى
باسپا ءسوز قىزمەتىنىڭ مالىمەتىنشە، قازاقستان رەسپۋبليكاسىنىڭ اۋىل شارۋاشىلىعى مينيسترلىگى جانە ا ق ش مەملەكەتىنىڭ ۋاكىلەتتى ورگانى تەلەكونفەرەنتسيا وتكىزدى، وندا مال شارۋاشىلىعىنداعى بيولوگيالىق قاۋىپسىزدىك ماسەلەلەرى بويىنشا ىنتىماقتاستىق مۇمكىندىگى تالقىلانعان.
«امەريكا ەلىنىڭ وكىلدەرى قاۋىپتى اۋرۋلاردى انىقتاۋ جانە دياگنوستيكالاۋ داعدىلارىن ارتتىرۋ ءۇشىن ۆەتەرينارلىق مامانداردى وقىتۋدى قاراستىراتىن «بيولوگيالىق قاۋىپتى ازايتۋ باعدارلاماسى» اياسىندا ىنتىماقتاستىقتى ۇسىندى.
اتاپ ايتقاندا، ۆەتەريناريا ماماندارى مەن مالشىلاردى وقىتۋ، ۆەتەريناريالىق بەيىندەگى وقۋ باعدارلامالارىن جانە كاسىبي ليتسەنزيالاۋ جۇيەلەرىن ازىرلەۋ، تۇراقتى دامۋ بويىنشا سەمينارلار وتكىزۋ، اسا ءقاۋىپتى پاتوگەندەردەن تۋىنداعان اۋرۋدى انىقتاۋ جانە دياگنوستيكالاۋ بويىنشا وقۋ ماتەريالدارىن جاڭارتۋ جانە تاراتۋ ماسەلەلەرى تالقىلاندى»، دەلىنگەن حابارلامادا.
سونىمەن قاتار، ا ق ش تاراپى قازاقستاندىق مال وسىرۋشىلەرگە د د ۇ /ح ە ب/ف ا و- مەن ءۇشجاقتى ىنتىماقتاستىق نەگىزىندە اسا قاۋىپتى پاتوگەندەر بويىنشا ەسەپتىلىكتى انىقتاۋ، دياگنوستيكالاۋ جانە ۇيىمداستىرۋ ءۇشىن ء«بىرىڭعاي ۇلتتىق دەنساۋلىق» قۇرىلىمىن ازىرلەۋگە جانە ينستيتۋت قالىپتاستىرۋعا جاردەم كورسەتۋگە دايىن.
