نەمىس كومپانياسى قازاقستاندا اۋىلشارۋاشىلىق تەحنيكاسىن شىعاراتىن زاۋىت اشادى
قازاقستان مەن گەرمانيانىڭ ونەركاسىپتىك كووپەراتسياسىن قۇرۋعا مەملەكەت باسشىسى 2019 -جىلعى جەلتوقساندا گ ف ر-عا ساپارىنىڭ اياسىندا «CLAAS Group» كومپانياسىنىڭ باقىلاۋ كەڭەسىنىڭ ءتوراعاسى ك. كلااس- ميۋلحويزەرمەن كەزدەسۋى بارىسىندا باستاماشىلىق ەتتى. ساپاردىڭ قورىتىندىسى بويىنشا گەرماندىق بيزنەسپەن جۇمىس ىستەۋ ءۇشىن ق ر پرەمەر- ءمينيسترىنىڭ ورىنباسارى رومان سكلياردىڭ باسشىلىعىمەن ارنايى جۇمىس توبى قۇرىلدى.
ق ر اۋماعىندا اۋىل شارۋاشىلىعى ماشينالارىن ءوندىرۋدى ۇيىمداستىرۋ جونىندەگى جوبانى پىسىقتاۋدى ق ر س ءى م ينۆەستيتسيالار جونىندەگى كوميتەتى، گ ف ر- داعى ق ر ەلشىلىگى، «Kazakh Invest» ۇ ك» ا ق جانە ق ر اۋىل شارۋاشىلىعى مينيسترلىگى جۇرگىزدى.
CLAAS - الەمدىك اۋىلشارۋاشىلىق تەحنيكاسىنىڭ فلاگمانى جانە ەۋروپالىق اۋىلشارۋاشىلىق تەحنيكاسىنىڭ ەڭ ءىرى ءوندىرۋشىسى. ايگىلى نەمىس كومپانياسىنىڭ قازاقستانعا كىرۋى بۇرىننان قول جەتىمدى جوعارى ءونىمدى تەحنيكاعا مۇقتاج بولعان بارلىق وتاندىق اگرارلىق قىزمەتكەرلەر ءۇشىن ماڭىزدى وقيعا بولىپ تابىلادى. پاندەميانىڭ قازىرگى جاعدايىن ەسكەرە وتىرىپ، كەلىسىمگە قول قويۋ بەينەبايلانىس ارقىلى جۇزەگە اسىرىلدى. مينيسترلىكتىڭ اتىنان قۇجاتقا ۆيتسە-مينيستر امانياز ەرجانوۆ، گەرمانيا تاراپىنان شىعىس ەۋروپا جانە ت م د ەلدەرى بويىنشا وڭىرلىك ديرەكتور در. نيلس رويچ بۇرىشتاما قويدى. CLAAS زاۋىتى سولتۇستىك قازاقستان وبلىسىندا ورنالاسادى.
مامانداندىرىلعان جابدىقتى ورناتۋ مەن تەحنيكالىق قىزمەتكەرلەردى دايىنداۋدى قوسا العاندا، ءبىرىنشى كەزەڭدە TUCANO كومباينىنىڭ ءوندىرىسى جولعا قويىلادى. جوبا قازاقستانداعى CLAAS رەسمي وكىلى «ست- اگرو» كومپانياسىمەن بىرلەسىپ ىسكە اسىرىلادى. وبلىس ەكونوميكاسىنا سالىنعان ينۆەستيتسيانىڭ كولەمى شامامەن 3,4 ميلليارد تەڭگەنى قۇرايدى، قارجىلاندىرۋ كوزى «CLAAS» كومپانياسىنىڭ مەنشىكتى قاراجاتى بولىپ تابىلادى. باستاپقى كەزەڭدە 200-گە جۋىق جاڭا جۇمىس ورنى قۇرىلادى.
«ءبىز، «CLAAS» كومپانياسىنىڭ اتىنان قازاقستان ۇكىمەتىنە، گەرمانياداعى ەلدىڭ ەلشىلىگىنە اۋىل شارۋاشىلىعى ماشينالارىن جاساۋ سالاسىنداعى جوسپارلانعان ەكى جاقتى جوبانى ىسكە اسىرۋعا ديپلوماتيالىق قولداۋ كورسەتكەنى ءۇشىن ءوز ريزاشىلىعىمىزدى بىلدىرەمىز. ءبىز قازاقستان رەسپۋبليكاسىندا ۇلكەن الەۋەتتى كورىپ وتىرمىز، سوندىقتان ۇزاق مەرزىمدى، تابىستى جانە ءوزارا ءتيىمدى ىنتىماقتاستىق قۇرۋدى جوسپارلاپ وتىرمىز»، - دەپ اتاپ ءوتتى در. نيلس رويچ.
كەلىسىمنىڭ اياسىندا كومپانيا كومپونەنتتەردى وقشاۋلاۋدى كەزەڭ- كەزەڭمەن ۇلعايتادى، سونداي- اق ءوندىرىستى ودان ءارى دامىتۋ ءۇشىن كادرلاردى تەحنيكالىق دايارلاۋمەن اينالىسادى.
جوبالىق قۋاتتىلىققا شىققان كەزدە كاسىپورىن جىلىنا 200 بىرلىككە دەيىن اۋىل شارۋاشىلىعى تەحنيكاسىن (كومبايندار، تراكتورلار جانە ەگىس كەشەندەرى) شىعاراتىن بولادى، بۇل ق ر ماشينا- تراكتور پاركىن جاڭارتۋ بويىنشا جاعدايدى ساپالى تۇردە جاقسارتادى.
CLAAS- تىڭ قازاقستان اۋماعىندا «PضTTINGER» ،«LOVOL» ،«BUHLER»، «روستسەلماش»، «پەتەربۋرگ تراكتور زاۋىتى»، «م ت ز»، «گومسەلماش» جانە باسقالارى سياقتى ءوندىرىستى الەمگە ايگىلى اۋىل شارۋاشىلىعى تەحنيكالارىن وندىرۋشىلەردىڭ تىزىمىنە ەنۋى فەرمەرلەردىڭ بارلىق قاجەتتىلىكتەرىن جابا وتىرىپ، يمپورتتى الماستىرۋ جونىندەگى ەلدىڭ باعدارلاماسىنا تولىق سايكەس كەلەدى.
ايتا كەتەتىن جايت، بۇل جۇمىس قازاقستاننىڭ ا و ك دامىتۋ بولىگىندە مەملەكەتتىڭ تەكسەرىلگەن يندۋستريالىق ساياساتىنىڭ ەسەبىنەن جۇرگىزىلدى.
