وتاندىق كومپيۋتەر توپتاماسى س ق و- داعى مەكتەپتەرگە جونەلتىلدى
پەتروپاۆلداعى «س. م. كيروۆ اتىنداعى زاۋىت» وبلىستىق اكىمدىكتىڭ تاپسىرىسىن ورىنداپ، جاڭا وقۋ جىلى قارساڭىندا ءتيىستى 2 مىڭعا جۋىق كومپيۋتەردى قۇراستىرىپ شىقتى. بۇگىن تەحنيكانىڭ العاشقى پارتياسى پەتروپاۆل قالاسىنىڭ جانە قىزىلجار اۋدانىنىڭ مەكتەپتەرىنە جىبەرىلدى.
«بۇل - ۇلكەن ءىستىڭ باسى دەپ سەنەمىز. ءبىزدىڭ كومپيۋتەرلەرگە وبلىستان عانا ەمەس، باسقا وڭىرلەردەن دە سۇرانىس بولادى دەپ ويلايمىن. باعاسى ارزان بولعانىمەن، ساپاسى باسەكەگە توتەپ بەرەدى»، - دەيدى «س. م. كيروۆ اتىنداعى زاۋىت» ا ق ساتۋ بويىنشا دەپارتامەنت ديرەكتورى ءمادي بەكتەنوۆ.
ماماننىڭ ايتۋىنشا، كومپيۋتەرلەرگە 3 جىل كەپىلدىك بەرىلەدى. تولىق جاراقتاندىرىلعان ءبىر كومپيۋتەردىڭ قۇنى - 199 مىڭ تەڭگە. 2 مىڭعا جۋىق كومپيۋتەر كەلىسىم بويىنشا 5 - قىركۇيەككە دەيىن ءوڭىر مەكتەپتەرىنە جەتۋى ءتيىس.
«4 كۇن ىشىندە ءبىز قاجەتتى كومپيۋتەرلەردى اۋداندىق ءبىلىم بولىمدەرىنە جەتكىزەمىز. ولار ءوز كەزەگىندە ءار مەكتەپكە تيىسىنشە ءبولىپ بەرەدى. سىنىپ جەتەكشىلەرى مەن مەكتەپ قىزمەتكەرلەرى ءار ءۇي، پاتەرگە بارىپ، بۇل تەحنيكانى قۇرۋعا كومەكتەسەدى. مۇلىك ۋاقىتشا بەرىلەدى. ىندەتتەن كەيىن ول مەكتەپتەرگە قايتارىلۋى كەرەك. سول سەبەپتى اتا- انالار كومپيۋتەرلەردى الماس بۇرىن ونى ءتيىستى جاعدايدا قايتارۋعا مىندەتتەمە الىپ، قۇجاتقا قول قويادى. الدىمەن تابىسى تومەن، مۇقتاج جاندارعا بەرىلەدى»، - دەيدى س ق و ءبىلىم باسقارماسىنىڭ باسشىسى گۇلميرا كارىموۆا.
س ق و- دا مەكتەپتەردىڭ 70 پايىزى قالىپتى رەجيمدە جۇمىس ىستەيدى. 140-تان استام مەكتەپ قاشىقتان وقىتپاق. ال كيروۆ زاۋىتى ءوڭىر مەكتەپتەرىنە كومپيۋتەرلىك تەحنيكانى جەتكىزگەننەن كەيىن كورشى وبلىستاردىڭ تاپسىرىستارىمەن اينالىسپاق. 15 - قىركۇيەككە دەيىن 40 مىڭ نوۋتبۋك وڭىرلەرگە جىبەرىلەدى.
ەسكە سالا كەتسەك، پەتروپاۆلدا وتاندىق ZіK كومپيۋتەرىنىڭ ءوندىرىسى ىسكە قوسىلدى. قازىرگى ۋاقىتتا وتاندىق كومپيۋتەر شىعاراتىن جوبانى لوكاليزاتسيالاۋ ۇلەسى شامامەن % 30.
اۆتور: اقەركە داۋرەنبەك قىزى
