ينتەرنەتى جوق اۋىلدا تۇراتىن ستۋدەنتتەر قالاعا كەلىپ، جاتاقحانادا تۇرا الادى – مينيستر

نۇر- سۇلتان. قازاقپارات - ينتەرنەتى جوق اۋىلدا تۇراتىن ستۋدەنتتەر قالاعا كەلىپ، جاتاقحاناعا ورنالاسا الادى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«ينتەرنەتى جوق اۋىلداردا تۇراتىن ستۋدەنتتەر قالاعا كەلىپ، سانيتارلىق- ەپيدەميولوگيالىق نورما ساقتالاتىن جوعارى وقۋ ورىندارىنىڭ جاتاقحانالارىندا وقشاۋلانىپ تۇرا الادى»، - دەدى ول ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، جاتاقحانالاردا ستۋدەنتتەر جىلدامدىعى جوعارى ينتەرنەتپەن قامتاماسىز ەتىلەدى. «ولارعا جاتاقحانادا تۇرىپ، وقۋ ءۇشىن جەكە باعدارلاما ازىرلەنىپ، ارناۋلى مۇمكىندىك جاسالادى»، - دەدى اسحات ايماعامبەتوۆ.

اۆتور: مارلان جيەمباي