20:02, 24 - تامىز 2020 | GMT +5
اتىراۋدا مەكتەپ ديرەكتورى بالانى وقۋعا قابىلداۋ ءۇشىن پارا العان
جىلىوي. قازاقپارات - اتىراۋ وبلىسىنىڭ جىلىوي اۋدانىندا مەكتەپ ديرەكتورى پارا الدى دەگەن كۇدىككە ءىلىندى، دەپ حابارلايدى قازاقپارات.
20 -تامىز كۇنى اتىراۋ وبلىسى بويىنشا سىبايلاس جەمقورلىققا قارسى قىزمەت جىلىوي اۋدانىنىڭ مەكتەپ ديرەكتورىن ۇستادى. ديرەكتور بالانى مەكتەپكە دەيىنگى سىنىپقا قابىلداۋ ءۇشىن دەلدال ارقىلى ءبىلىم ءبولىمىنىڭ باس مامانىنان 20000 تەڭگە كولەمىندە پارا الدى دەگەن كۇدىككە ءىلىنىپ وتىر. بارلىق اتالعان ادامدار كىناسىن تولىق مويىندادى. قازىرگى تاڭدا، ءىس بويىنشا تەرگەۋ ءجۇرىپ جاتىر. ولاردىڭ ءىس- ارەكەتىنە تۇپكىلىكتى باعانى سوت بەرەدى.
